پاۆلوداردان باياناۋىلعا 40 مينۋتتا جەتۋگە بولادى
اۋە كەمەسى 40 مينۋتتا جەتتى. پاۆلودار وبلىسى اكىمىنىڭ باسپا ءسوز قىزمەتىنىڭ مالىمەتىنە قاراعاندا، رەيسكە جەرگىلىكتى اۋە باعىتتارىندا ۇشۋ ورىنداۋدا تاجىريبەسى بار «جەزقازعان ەير» كومپانياسى قىزمەت كورسەتكەن. «ءبىز پاۆلودار - باياناۋىل باعىتى بويىنشا ءبىرىنشى رەت ۇشىپ وتىرمىز. ۇشۋ ءساتتى اياقتالدى. باياناۋىل ايرودرومى قوناقتاردى كۇتۋگە تولىق دايىن دەپ ويلايمىن»، - دەدى ۇشاق كاپيتانى سەرگەي تەرەحوۆ.
ايتا كەتەيىك، ماۋسىم ايىنىڭ ورتاسىندا 25 جىلدىق ۇزىلىستەن كەيىن باياناۋىل ايرودرومىنا پاۆلوداردان ۇشقان ۇشاق العاش رەت قونعان بولاتىن. باياناۋىل ايرودرومىندا قىزمەت كورسەتەتىن ۇشاقتار قاراعاندى اۆياتسيالىق وقۋ- جاتتىعۋ ورتالىعىنان اكەلىندى. جولاقتاردىڭ ساپاسىن ەكى ورىندىق ۇشاقتار تەكسەرىپ كوردى. اۋە كەمەسىنىڭ كومانديرى ۆالەري سيباگاتۋلين جولاقتار ساپاسىنىڭ كەز- كەلگەن ەكى، ءتورت، التى جانە سەگىز ورىندىق بورتتاردىڭ قونۋىنا مۇمكىندىگى جەتەتىنىن اتاپ ءوتتى.
