جىل سايىن گرۋزياعا 40 مىڭنان استام قازاقستاندىق ساپارلايدى

«قازاقستان ازاماتتارى تۋريزم جاعىنان العاندا تبيليسي مەن بارشا گرۋزيانى ۇناتىپ وتىر. اتاپ ايتقاندا، بۇل ەل بىزدەن الىس ەمەس، تىلدىك فاكتور جوق ءارى ولاردى ءتۇسىنۋ وڭاي. ءبىر سوزبەن ايتقاندا، گرۋزيا كوپشىلىككە ۇنايدى. ياعني دەمالىس تۇرعىسىندا تۇركيا نەمەسە ونىڭ ارعى جاعىنداعى مەملەكەتتەرمەن سالىستىرعاندا ارزانىراق. وتكەن جىلى گرۋزياعا 35-45 مىڭ قازاقستاندىق باردى. 2013-جىلى بۇل كورسەتكىش ايتارلىقتاي تومەن ەدى. قازىرگى كەزدە اۋە رەيستەرى ارتقاندىقتان، قازاقستاندىقتار بۇل ەلدى كەڭىنەن تانىپ جاتىر. تبيليسيدەن استاناعا ساپارلاعان كەزدە، بارلىق رەيستەر تولىق بولعانىنا ءبىر قۋانىپ قالاسىڭ. گرۋزيندەر استاناعا ساپارلاعاندى جاقسى كورەدى جانە ۇنەمى ەلوردانىڭ ساۋلەتىنە تاڭدانىپ جۇرەدى. ارينە، ەكى ەلدى سالىستىرعاندا، ساتىپ الۋ قابىلەتتىگى مەن جان باسىنا شاققانداعى ج ءى و بويىنشا مۇمكىندىكتەر ءارتۇرلى»، - دەدى ول ق ر سىرتقى ىستەر مينيسترلىگىندەگى باسپا ءسوز ءماسليحاتىندا.

ە. ەرتىسبايەۆتىڭ سوزىنە قاراعاندا، جىل سايىن گرۋزياعا 6 ميلليون تۋريست بارادى.

ايتا كەتەيىك، قازاقستان مەن گرۋزيا اراسىنداعى تاۋار اينالىمى 2016-جىلى 62,1 ميلليون ا ق ش دوللارىن قۇراپ، بۇل كورسەتكىش 2015-جىلعا قاراعاندا 8 پايىزعا كەم بولدى. ەلىمىزدەن نەگىزىنەن مۇناي جانە مۇناي ونىمدەرى، ماكرون ونىمدەرى ەكسپورتتالادى، ال گرۋزيادان جاڭعاق، مينەرالدى سۋ، شاراپ تاسىمالدانادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى