الماتى وبلىسىندا ءبىر عانا جىلىجايدان 40 مىڭ توننا قيار مەن قىزاناق الىنباق

قازىرگى تاڭدا جىلىجايدىڭ جالپى اۋماعى 10 گ ا جەردى قۇرايدى. اتالعان جوبانى «قازاگرو» ارقىلى جۇزەگە اسىرۋ مۇمكىن بولعان. ەندى ينۆەستورلاردى تارتۋ ارقىلى تابيعي تازا ءونىم كولەمى ەسەلەپ ارتپاق.

 «Green land Alatau» جىلىجايىنىڭ ءبولىم باسشىسى ەسكەندىر مۇحامەدجانوۆتىڭ ايتۋىنشا، القاپ كولەمى 60 گ ا دەيىن جەتكىزىلمەك.

«مۇنداي الىپ جوبانى جۇزەگە اسىرۋعا يندۋستريالىق ايماقتىڭ ۇلەسى زور. بىزگە بارلىق جاعداي جاسالعان. وزدەرىڭىز بىلەسىزدەر، جىلىجاي سالۋ وتە ماشاقاتى كوپ شارۋا. جەرگىلىكتى بيلىكتىڭ قولداۋىنىڭ ناتيجەسىندە جۇمىسىمىزدى جانداندىرىپ جاتىرمىز» ، - دەيدى «Green land Alatau» جىلىجايىنىڭ ءبولىم باسشىسى ەسكەندىر مۇحامەدجانوۆ.

ەندى 6 مىڭ توننا ءونىمدى 40 مىڭ تونناعا دەيىن ۇلعايتۋ جوسپارلانۋدا. اتالعان جوبا الماتى وبلىسىنداعى «بەرەكە» يندۋستريالىق ايماعىندا جۇزەگە اسۋدا. ينۆەستيتسيانىڭ جالپى قۇنى 66 ميلليارد تەڭگەدەن استام قارجىنى قۇرايدى.

  ايتا كەتەلىك، قازىرگى تاڭدا الماتى وبلىسىندا يندۋستريالىق ايماقتا ءتۇرلى جوبالار جۇزەگە اسۋدا. الداعى ۋاقىتتا ەت وڭدەيتىن كاسىپورىن ىسكە قوسىلماق. باسىم بولىگى قوي ەتىنە باعىتتالماق. بۇگىندە وبلىس بويىنشا 4 ميلليوننان استام قوي بار. الايدا، ونى زامان تالابىنا ساي وندەيتىن كاسىپورىن جوق. ەندى گەرمانيانىڭ «Baumann» كومپانياسى ماسەلەنى قولعا الامىز دەپ وتىر. اتالعان كاسىپورىن 1937 - جىلدان بەرى نارىقتا قوي ەتىن وڭدەۋمەن اينالىسىپ كەلەدى. جوبا ويداعىداي جۇزەگە اسسا ەكسپورت كولەمى ارتادى.

اۆتور: سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى