ۆەتنام ورمانىندا 40 جىل ءومىر سۇرگەن اكە مەن ۇل وركەنيەتكە ورالدى - فوتو

قازىر ولار جابايى تابيعات ومىرىنەن زاماناۋي ومىرگە بەيىمدەلۋ ۇستىندە. ەڭ العاش قاشقىنداردى تۋىسى ىزدەپ تاپقان جانە ولاردى وركەنيەتكە قايتارۋعا تىرىسقان. اكە مەن ۇل ۇزاق ۋاقىت بويى ەلگە ورالۋدان ءۇزىلدى-كەسىلدى باس تارتقان، الايدا 80 جاسقا كەلگەن ەر ادامعا مەديتسينالىق كومەك قاجەت بولعان. سول سەبەپتى، ەكەۋى دە جاقىن ماڭداعى اۋىلعا كوشۋگە كەلىسىم بەرگەن.

«تارزاندارمەن» تىلدەسۋ مۇمكىندىگى تۋعاندا، ولار وزدەرى تۋرالى، ورمانداعى ءومىرى تۋرالى بايانداپ بەردى. ولاردىڭ ۇلكەنى - حو ۆان تحان شەتەلدىك باسقىنشىلاردان تاۋەلسىز بولۋ ءۇشىن كوممۋنيستەر جاعىندا كۇرەسكەن. ءبىراق، 1972-جىلى ا ق ش اسكەري اۋە كۇشتەرىنىڭ الاپات بومبالاۋىنا تاپ كەلىپ، كىشكەنتاي ۇلى حو ۆان لانگتى الىپ ورمانعا قاشقان. اۋىلدارى تولىق كۇيرەپ، بارلىق تۋىستارى قازا تاپقاندىقتان، اكە مەن ۇل امەريكاندىق اۋە نىساناسىنا ءجيى اينالاتىن ەلدى مەكەندەردەن اۋلاق بولۋدى شەشكەن.

قازىر جاسى ەلۋگە كەلگەن حو ۆان لانگتىڭ زاماناۋي ومىرگە بويى ۇيرەندى. ول كىشىگىرىم جەر تەلىمىنە ەگىن ەگىپ ءجۇر جانە جاقىن ارادا ۇيلەنبەك تە ويى بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى