ەلوردانىڭ 40 مىڭعا جۋىق وقۋشىسى جازعى دەمالىستارىن مەكتەپ لاگەرلەرىندە وتكىزدى
استانا قالاسى ءبىلىم باسقارماسىنىڭ حابارلاۋىنشا، ەلوردانىڭ 73 مەكتەبى جانىنان اشىلعان لاگەرلەر ماۋسىمنىڭ 1 ى مەن شىلدەنىڭ 10 ى ارالىعىندا جۇمىس ىستەپ، ول جەردە 1-4 -سىنىپ ارالىعىنداعى 37656 وقۋشى دەمالىس كۇندەرىن وتكىزگەن بولاتىن. مەكتەپ لاگەرلەرىنىڭ نەگىزگى ماقساتى - باستاۋىش سىنىپ وقۋشىلارىنىڭ شىعارماشىلىق ءال-اۋقاتىن دامىتىپ، ولاردى سالاۋاتتى ءومىر سالتىنا باۋلۋ بولىپ تابىلادى.
سونىمەن قاتار، استانانىڭ ەكى بىردەي وقۋشىلار سارايلارىنىڭ جانىندا «جازعى دەمالىس اكادەمياسى" جانە "شىعارماشىلىقتىڭ جازعى مەكتەبى» لاگەرلەرى جۇمىس ىستەدى. دەمالىس مەرزىمىندە وقۋشىلار لينگۆيستيكا ساباقتارىن ۇيرەنىپ، شاحمات ويناۋ شەبەرلىكتەرىن جەتىلدىردى. سونداي- اق، سۋرەت سالۋ، تەاتر ونەرى بويىنشا دا ءتالىم الدى.
