استانا اكىمى ەلوردالىق پوليتسيا قىزمەتكەرلەرىنە 40 قىزمەتتىك كولىكتىڭ كىلتىن تابىس ەتتى - فوتو
پوليتسەيلىك اۆتوكولىكتەردىڭ قاتارىن تولىقتىرعان اۆتوموبيلدەر وتاندىق قۇراستىرۋ ونىمدەرى بولىپ تابىلادى. بارلىق كولىك ىشكى ىستەر ورگاندارىنىڭ مالىمەتتەر دەرەكقورىنا ەنۋگە مۇمكىندىگى بار بورتتىق كومپيۋتەرلەرمەن جابدىقتالعان.
كومپيۋتەرلەرمەن قاتار، كولىكتەرگە قالالىق تەلەفون بايلانىس قىزمەتى بار زاماناۋي جاڭا راديوستانسالار، وعان قوسا، جەدەل كەزەكشىلەرگە پوليتسيا جاساقتارىن ءتيىمدى باسقارۋعا مۇمكىندىك جاسايتىن GPS سپۋتنيكتىك جۇيەسى ورناتىلماق.
«مەملەكەت باسشىسى ءوزىنىڭ 5 ينستيتۋتسيونالدىق رەفورمانى جۇزەگە اسىرۋ باعىتىنداعى «100 ناقتى قادام» باعدارلاماسىندا پوليتسيانى جاڭا ساپالى كەزەڭگە كوتەرۋ ءۇشىن ءبىرقاتار ماڭىزدى تاپسىرما بەرگەن بولاتىن.
قۇقىق قورعاۋ ورگاندارى قىزمەتكەرلەرىن مەملەكەتتىك قىزمەت جۇيەسىنە قوسۋ جانە جەرگىلىكتى پوليتسيا قىزمەتىن قۇرۋ پوليتسيا قىزمەتىنىڭ، استانا قالاسى ىشكى ىستەر دەپارتامەنتى جۇمىسىنىڭ ۇيىمداستىرىلۋىنا وڭ اسەر ەتەدى»، - دەدى ءا. جاقسىبەكوۆ.
قىزمەتتىك اۆتوكولىكتەر پاركىن جاڭارتۋ - مەملەكەتتىڭ قۇقىق قورعاۋ ورگاندارى قىزمەتىنىڭ ساپاسىن ارتتىرۋعا باعىتتالعان كەشەندى شارالارىنىڭ ءبىر بولىگى عانا.
پوليتسيا قىزمەتكەرلەرىنىڭ مالىمەتىنشە، جاڭا اۆتوكولىكتەر جول- پاترۋلدىك پوليتسياسى، ۋچاسكەلىك ينسپەكتورلار مەن يۋۆەنالدى پوليتسيا ينسپەكتورلارىنا بەرىلەدى. قىزمەتتىك تەحنيكا جاقىن كۇندەرى ەلوردا كوشەلەرىنەن كورىنبەك.
ايتا كەتەيىك، ەلوردالىق پوليتسيانىڭ تەحنيكالىق- ماتەريالدىق بازاسى جىلدان- جىلعا جاقسارۋدا. قالالىق اكىمشىلىكتىڭ كومەگىنىڭ ارقاسىندا اۆتوپارك قىزمەتتىك اۆتوكولىكتەرگە كوبەيىپ، پوليتسيا قىزمەتىنىڭ جەدەلدىگى مەن ساپاسىنا ءتيىمدى اسەر ەتىپ، ەلوردا تۇرعىندارىنىڭ قاۋىپسىزدىگى مەن قۇقىقتىق ءتارتىپتى نىعايتۋعا سەپتىگىن تيگىزەدى. پوليتسيانىڭ ماتەريالدىق- تەحنيكالىق بازاسىن جاقسارتۋدىڭ شەڭبەرىندە كومپيۋتەرلەر، بەينەباقىلاۋ كامەرالارى، اۆتوكولىكتەر، بايلانىس قۇرالدارى الىنىپ، ولار قۇقىق بۇزۋشىلىقتاردىڭ الدىن الۋ مەن جولىن كەسۋدە، قوعامدىق ءتارتىپتى قورعاۋدا وڭ ناتيجە بەرەدى.
