قازاقستان ەڭ قولايلى لوگيستيكالىق كليماتقا يە 40 ەلدىڭ قاتارىنا ەنۋدى جوسپارلاۋدا

بۇل تۋرالى كەشە استانا ەكونوميكالىق فورۋمىندا «قازاقستان تەمىر جولى» ۇ ك» ا ق پرەزيدەنتى اسقار مامين ءمالىم ەتتى.

قازاقستان ىشكى جولداردى بەلسەندى دامىتىپ، ونى ەۋرازيالىق اۆتوموبيل جولدارىمەن بايلانىستىرىپ جاتىر. «باتىس ەۋروپا - باتىس قىتاي» قۇرلىقارالىق ءدالىزى قىتايدان ەۋروپاعا جۇك تاسىمالداۋ ۋاقىتىن ەلەۋلى قىسقارتۋعا جول اشادى. الداعى 6 جىلدا 9813 شاقىرىم جولدى سالۋ جوسپارلانۋدا. وعان شامامەن 10 ميلليارد  ا ق ش دوللارى ينۆەستيتسيا قاجەت»، - دەپ اتاپ ءوتتى ول.

ونىڭ سوزىنە قاراعاندا، قازاقستان قازىرگى ۋاقىتتا وڭىردە جۇمىس جاساپ جاتقان بۇكىل الەمدىك بانكپەن، ازيا دامۋ بانكى، ەۋروپانىڭ قايتا قۇرۋ جانە دامۋ بانكى، ب ۇ ۇ، تراسەكا ۇيىمدارىمەن تىعىز قارىم- قاتىناس ورناتقان.

«بۇكىل الەمدىك بانكپەن بىرگە ءبىز LPI لوگيستيكانىڭ ءتيىمدى يندەكسىنىڭ 6 كورسەتكىشى بويىنشا ەلىمىزدىڭ لوگيستيكالىق جۇيەسىن جەتىلدىرۋگە باعىتتالعان شارالاردى قولعا الۋدامىز. ءبىزدىڭ ماقساتىمىز - 2020 - جىلى ەڭ قولايلى لوگيستيكالىق كليماتقا يە 40 ەلدىڭ قاتارىنا ەنۋ. ينفراقۇرىلىم اكتيۆتەرىنە سالىناتىن ينۆەستيتسيالاردىڭ جالپى كولەمى 32,4 ميلليارد دوللاردى قۇراماق»، - دەيدى ا. مامين.

 اۆتور:   جاسۇلان جولدىبايەۆ 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى