قازاقستاندا اۆتوكولىك ساتىلىمى ەكى ايدا 40 پايىزعا ازايدى

ۇيىمنىڭ مالىمەتىنشە، قاڭتار ايىندا جاڭا اۆتوكولىكتەردىڭ ساۋداسى 30 پايىزعا قۇلدىراعان. نارىقتا رەسمي تۇردە 7774 دانا جەڭىل جانە جۇك كولىگى ساتىلىپتى. ق ا ب ق وكىلدەرى ساۋدا-ساتتىقتىڭ ازايۋىن رۋبل باعامىنىڭ قۇلدىراۋىنا بايلانىستى قازاقستاندىق نارىققا رەسەيدەن ارزان اۆتوكولىكتەردىڭ الىپ كەلىنىپ جاتقانىمەن بايلانىستىرادى.

سونىمەن قاتار، ەلىمىزدە قۇراستىرىلعان اۆتوموبيلدەردىڭ دە ساتىلىمى ازايدى - قاڭتارداعى قۇلدىراۋ كورسەتكىشى - 62,21 پايىز. ونىڭ ۇستىنە ىشكى نارىقتا قازاقستاندىق اۆتوكولىكتەردىڭ ساۋداسى 12,04 پايىزعا ازايدى. اقشا ەكۆيۆالەنتىندە ەسەپتەگەندە 2015-جىلدىڭ باسىنان بەرى جاڭا اۆتوكولىكتەردىڭ ساۋداسى 11,53 پايىزعا قىسقارعان - 205,7 ميلليون دوللارعا كولىك قۇرالدارى ساتىپ الىنعان. ۇلتتىق وندىرۋشىلەردىڭ ساۋداسى 25,1 ميلليون دوللارعا كولىك ساتقان، بۇل كورسەتكىش - 2014-جىلعا قاراعاندا، 55,96 پايىزعا از. شەتەل برەندتەرىنىڭ ىشىندە Toyota ماركاسى كوش باستاپ تۇر.

ال كوممەرتسيالىق ماقساتتاعى اۆتوكولىكتەردىڭ ساتىلىمى 40,69 پايىزعا تومەندەدى. بۇعان قاراماستان، اۆتوبۋستار مەن ءىرى تونناجدى جۇك كولىكتەرىنىڭ سانى ارتقان.

وسىعان دەيىن قازاقستاندا وتاندىق اۆتوكولىك ساتىلىمىنىڭ قۇلدىراعانىن ۇكىمەتتىڭ اقورداداعى كەڭەيتىلگەن وتىرىسىندا ينۆەستيتسيالار جانە دامۋ ءمينيسترى اسەت يسەكەشيەۆ مالىمدەگەن بولاتىن. ۇلتتىق ەكونوميكا ءمينيسترى ەربولات دوسايەۆ وتاندىق اۆتووندىرۋشىلەردى قولداۋ ماقساتىندا 20 ميلليارد تەڭگەنىڭ بولىنەتىنىن حابارلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى