بەلگىسىز بىرەۋلەر 40 تان استام ادامدى ۇرلاپ كەتتى

 شابۋىل مالاري ەلدى مەكەنىندە بولدى.

«ادامدار قورقىنىشتان ءوز ۇيلەرىنەن قاشىپ شىقتى، ءبىراق تا ولار (قارۋلى ادامدار) ءبارى دە وزدەرىنە باعىنۋى ءتيىس ەكەنىن ەسكەرتتى. ولار 40 تان استام ادامدى وزدەرىمەن بىرگە اكەتتى، نەگىزىنەن 15-23 جاس ارالىعىنداعىلار. قازىر اۋىلدا جاستار قالمادى»، - دەپ مالىمدەدى اگەنتتىككە وقيعا كۋاگەرى موحاممەد زارامي.

ازىرگە ايماقتا ارەكەت ەتەتىن بىردە-ءبىر توپ بولعان وقيعاعا جاۋاپكەرشىلىكتى وزدەرىنە العان جوق. جەرگىلىكتى تۇرعىندار جانە قۇقىق قورعاۋ ورگاندارىنداعى دەرەككوزدەر شابۋىلدى ەلدىڭ وسى وڭىرىنە ۇنەمى شابۋىلدايتىن «بوكو حارام» راديكالىق توبىنىڭ سودىرلارى جاسادى دەگەن پىكىردە.

2014 - جىلى ساۋىردە «بوكو حارام» سودىرلارى استام مەكتەپتە وقيتىن 270 تەن استام قىزدى ۇرلاپ كەتكەن بولاتىن، ەندى بۇكىل ايماقتى تۇراقسىزداندىرۋعا ءقاۋىپ ءتوندىرىپ تۇر. توپ باسشىسى قىزداردى بارلىق تۇتقىندالعان سودىرلارعا اۋىستىرۋعا ۇسىنىس جاسادى، ءبىراق تا ەل ۇكىمەتى بۇدان باس تارتتى. قازىرگى كەزدە 57 وقۋشى قىز ءوز وتباسىلارىنا قوسىلدى، 219 ى ءالى سودىرلاردا كەپىلدە قالىپ وتىر.

نيگەريادا «بوكو حارام» راديكالدى يسلامدىق توبى بەلسەندى ارەكەت ەتۋدە، ونىڭ مۇشەلەرى ءبىلىم بەرۋدىڭ باتىستىق مودەلىنە قارسى جانە بۇكىل ەلدە شاريعات زاڭىن ەنگىزۋدى كوزدەيدى. توپ ەلدە كوپتەگەن لاڭكەستىك اكتىلەرىن ۇيىمداستىرۋدا.

نيگەريا پرەزيدەنتى گۋدلاك دجوناتان لاڭكەستىك قاۋپىنە جانە سودىرلاردىڭ شابۋىلدارىنا بايلانىستى بۇدان ءبىر جىل بۇرىن ءبىرقاتار شتاتتاردا توتەنشە جاعداي ەنگىزۋدى جاريالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى