رەسەيگە سالىنعان سانكسيالاردان سوڭ 400 شەتەلدىك كومپانيا قازاقستانعا كەلۋگە نيەتتى

ولاردىڭ ءبىرازى قازاقستانعا كەلۋگە نيەتتى. ورتالىق كوممۋنيكاتسيالار قىزمەتىندە وتكەن بريفينگىدە سىرتقى ىستەر ءمينيسترىنىڭ ورىنباسارى الماس ايداروۆ وسىلاي ءمالىم ەتتى، دەپ حابارلايدى قازاقپارات ءتىلشىسى.

«الەمنىڭ 40 تان استام ەلى رەسەيگە سانكسيا سالدى. ال وسى ەلدە بۇعان دەيىن جۇمىس ىستەپ كەلگەن شەتەلدىك كومپانيالار كەتىپ جاتىر. دەگەنمەن، ولار ەۋرازيا قۇرلىعىندا قالىپ، بيزنەس جۇرگىزۋدى جوسپارلاپ وتىر. بۇل رەتتە ءبىز رەسەيگە جاقىن ورنالاسقاندىقتان، ول كومپانيالار قازاقستانعا بەت بۇرماق. قازاقستان تاراپى الەۋەتى زور دەگەن 400 شاقتى كومپانيانى تاڭداپ وتىر. ولاردىڭ باسىم كوپشىلىگى ا ق ش، گەرمانيا جانە وڭتۇستىك كوريادان»، - دەدى ءمينيستردىڭ ورىنباسارى ب ا ق وكىلدەرىنىڭ ساۋالىنا جاۋاپ بەرە وتىرىپ.

بۇعان قوسا، الماس ايداروۆ بىلتىردان باستاپ قازاقستان رەسەيگە اسكەري ماقساتتاعى تاۋارلاردى جەتكىزۋدى تولىق توقتاتقانىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى