نيدەرلاندتا داۋىل سالدارىنان 400 دەن استام اۋە رەيسى توقتاتىلدى

اۆتوكولىك، اۆتوبۋس جانە تەمىرجول قاتىناسى بۇزىلدى. بۇل تۋرالى «قازاقپارات» ەuronews اگەنتتىگىنە سىلتەمە جاساپ حابارلايدى.

نيدەرلاندتا «پولي» داۋىلى كۇشەيىپ تۇر. حارلەمە قالاسىندا ءبىر ادام قازا تاپتى. كۇشتى جەلدەن ايەل ادام وتىرعان كولىككە اعاش قۇلاعان. وقيعا ورنىنا جەتكەن مەديتسينا قىزمەتكەرلەرىنىڭ قىزمەتىنە قاراماستان، جولاۋشى وقيعا ورنىندا مەرت بولدى.

كورولدىكتەگى ءبىرقاتار پروۆينسيادا اۋا رايى قاۋپىنىڭ ەڭ جوعارعى «قىزىل» دارەجەسى ەنگىزىلدى. سارسەنبى كۇنى نوسەر ارالاسقان جەلدىڭ كۇشى ساعاتىنا 130 شاقىرىمعا جەتتى. تۇرعىندارعا اسا قاجەت بولماعان جاعدايدا ۇيدەن شىقپاۋعا جانە ساپارلارىن كەيىنگە شەگەرە تۇرۋعا كەڭەس بەرالدى.

قولايسىز اۋا رايى كولىك قاتىناسىن بۇزدى: كوپتەگەن اۆتوماگيسترالدار، اسىرەسە ەلدىڭ سولتۇستىگىندە جابىلدى. سولتۇستىك گوللانديا مەن فليەۆولاند پروۆينسيالارىندا جولدارعا تال قۇلاپ، پويىزداردىڭ قوزعالىسى توقتاتىلدى.

تەڭىزدە ەكى كەمە داۋىلعا تاپ بولدى. ولاردىڭ ءبىرى باتىپ كەتتى، ەكيپاجى قۇتقارىلدى. سحيپحول اۋەجايىندا ءتورت جۇزدەن استام رەيس توقتاتىلدى، ونىڭ ىشىندە پاريجگە، بريۋسسەلگە قاتىنايتىن رەيستەر بار.

«جەل مەن جاۋىننىڭ ەكپىنى كۇشتى بولعاندىقتان جانە كورىنۋ ناشارلاعاندىقتان، 5-شىلدەدە 9:00-دەن 16:00-گە دەيىن اۋە قوزعالىسى شەكتەلدى. كەيىنگى جاڭالىقتاردى باقىلاپ وتىرىڭىزدار»، - دەپ حابارلادى اۋەجاي باسشىلىعى Twitter- دە.

اۆتوبۋس قوزعالىسىندا دا ىركىلىس باايقالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى