قوستانايداعى ءورتتى سوندىرۋگە ۇلتتىق ۇلاننىڭ 400-گە جۋىق ساربازى جۇمىلدىرىلدى

«4- قىركۇيەك كۇنى قوستاناي وبلىسى اۋليەكول اۋدانىنداعى امانقاراعاي، نوۆونەجين اۋىلدارىنىڭ ماڭىندا ءورت ءورشي باستاعانى تۋرالى اقپارات ءتۇستى. وسىعان بايلانىستى ۇلتتىق ۇلاننىڭ باس قولباسشىسى، گەنەرال- مايور ەركىن بوتاقانوۆتىڭ شەشىمىمەن ءورت ورنىنا قوستاناي قالاسىنداعى 6697، كوكشەتاۋ قالاسىنىڭ 5510 اسكەري بولىمدەرى جۇمىلدىرىلدى. توتەنشە جاعدايدى جويۋ بويىنشا 6697 اسكەري بولىمنەن 150-گە جۋىق، ال 5510 اسكەري بولىمنەن 250-دەن استام اسكەري قىزمەتشى جانە 18 تەحنيكا ءبولىندى»، - دەلىنگەن ۇلتتىق ۇلاننىڭ باسپا ءسوز قىزمەتى تاراتقان حابارلامادا.

اسكەري قىزمەتشىلەر ءورت وشاقتارى مەن ءتىلسىز جاۋ ءالى شارپىماعان جەرلەردىڭ اراسىن ارنايى تەحينكانىڭ كومەگىمەن جىرىپ، قالعان اۋماقتارى ساقتاپ قالۋ ءۇشىن ءتيىستى جۇمىستار جۇرگىزىپ جاتىر.

ەسكە سالايىق، بۇعان دەيىن توتەنشە جاعدايلار ءمينيسترى يۋريي يلين ءورت سەبەپەرىن انىقتاۋ بويىنشا قىلمىستىق ءىس قوزعالعانىن مالىمدەدى. ونىڭ ايتۋىنشا، ءتيستى ورگاندار ءورت قاساقانا ادام قولىنان بولدى دەگەن نۇسقانى دا قاراستىرادى.

ال، مينيسترلىكتىڭ رەسمي وكىلى تالعات ءۋاليدىڭ اقپاراتى بويىنشا، ءورت كەزىندە جاراقات العان 10 ادامنىڭ تورتەۋى اۋرۋحانادا جاتىر.

اۆتور

ءاليحان اسقار

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى