سەمەيدە بەتى قايتپاي جاتقان ءىرى ورمان ورتىمەن 400-گە جۋىق ادام كۇرەسۋدە

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 1- ماۋسىمدا ساعات 14.27-دە «سەمەي ورمانى» رەزەرۆاتىنىڭ جاڭا- سەمەي فيليالى پودگورودنەە ورمانشىلىعىندا ءورت شىققان. ءتىلسىز جاۋ شارپىعان اۋماق شامامەن 160 گەكتاردى قۇرادى.

«جالىننىڭ بەتى ءالى قايتپاي جاتىر. ءورتتى سوندىرۋگە دەپارتامەنتتىڭ، جەرگىلىكتى اتقارۋشى ورگانداردىڭ، ت ج م №68303 اسكەري ءبولىمىنىڭ قىزمەتكەرلەرى مەن ورمانشىلار جۇمىلدىرىلدى. قازىرگى ۋاقىتتا سول جەردە 399 ادام جانە 85 تەحنيكا جۇمىس ىستەپ جاتىر. سەمەي قالاسىندا ءورت قاۋىپتىلىگىنىڭ بەسىنشى دەڭگەيى جاريالانعان»، - دەلىنگەن اقپاراتتا.

الدىن الا بولجام بويىنشا، ءورت نايزاعايدان شىعۋى مۇمكىن. اۋەدەن مونيتورينگ جاساۋ ءۇشىن «مي-2» تىكۇشاعى تارتىلدى.

ەستەرىڭىزگە سالا كەتسەك، وسىعان دەيىن سەمەيدە ورمان ورتەنىپ جاتقانىن حابارلاعان ەدىك.

اۆتور: تالعاتجان مۇحامەتبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى