شىعىس قازاقستاندا 400 گە جۋىق فاشيستىڭ كوزىن جويعان مايدانگەردى ەسكە الۋ شاراسى ءوتتى
تولەۋعالي ابدىبەكوۆ 1916-جىلى شىعىس قازاقستان وبلىسى جارما اۋدانىندا دۇنيەگە كەلگەن.
بالا كۇنىنەن اكەسىمەن بىرگە اڭعا شىعىپ، وقتى ءدال تيگىزۋدىڭ قىر-سىرىن ابدەن مەڭگەرگەن ول سوعىس باستالعاندا اسكەر قاتارىنا قوسىلدى.
قاندى مايداندا ەرلىكتىڭ ەرەن ۇلگىسىن كورسەتىپ، 397 نەمىستىڭ كوزىن جويعان. سۇرمەرگەن ءوز باتالونىنداعى جاۋىنگەرلەردى دە مەرگەندىككە ۇيرەتكەن.
«جەڭىستىڭ 77 جىلدىعى قارساڭىندا تولەۋعالي ابدىبەكوۆتى قىلمىستىق-اتقارۋ جۇيەسىنىڭ قىزمەتكەرلەرى ءبىر مينۋتتىق ۇنسىزدىكپەن ەسكە الىپ، جاس قىزمەتكەرلەرگە باتىردىڭ ەرلىگى تۋرالى باياندالدى. جاستارىمىز سۇراپىل سوعىستا وتان ءۇشىن شايقاستان باتىرلارىن ءبىلۋى قاجەت. بۇگىندە جارما اۋدانىندا مەرگەننىڭ ەسكەرتكىشى بار. سونداي- اق ونىڭ 2916№ ءنومىرلى سنايپەر ۆينتوۆكاسى الماتىداعى مەملەكەتتىك مۋزەيدە ساقتاۋلى تۇر»، - دەدى دەپارتامەنت باستىعىنىڭ ورىنباسارى، ادىلەت پولكوۆنيگى عالىمجان بالتابايەۆ.
سونداي-اق مەرەكەگە وراي وسكەمەن قالاسىنداعى تۇزەتۋ مەكەمەسىنىڭ قىزمەتكەرلەرى سوعىستا قازا تاپقان باتىرلاردى ءبىر مينۋت ۇنسىزدىكپەن ەسكە الىپ، مونۋمەنتكە گۇل شوقتارىن قويدى.
مەكەمە قىزمەتكەرلەرى كۇننەن كۇنگە سانى ازايىپ كەلە جاتقان سوعىس ارداگەرلەرىنىڭ ۇيلەرىنە بارىپ قۇتتىقتاپ، سىيلىقتار بەردى.
