جىل سايىن قازاقستاندا 400 مىڭعا جۋىق ءسابي دۇنيە ەسىگىن اشادى
بۇل اتاۋلى كۇن دۇنيەجۇزىلىك بالالار كۇنىن مەرەكەلەۋمەن تىعىز بايلانىستى، دەپ حابارلايدى قازاقپارات دەنساۋلىق ساقتاۋ مينيسترلىگىنە سىلتەمە جاساپ.
بالا ءۇشىن ونىڭ دەنساۋلىعىنان ماڭىزدى ەش نارسە جوق، ونى قورعايتىن وتە ماڭىزدى دارىگەر - ول پەدياتر. ءسابيدىڭ العاشقى كۇندەرىنەن باستاپ اتا-انالار ءوز ەمحاناسىندا بالا دارىگەرىنىڭ كومەگىنە جۇگىنەدى، ول بالا ءبىر جاسقا تولعانعا دەيىن ونىڭ پاتروناجىن جۇرگىزەدى.
اتا-انالار قازاقستانداعى جاڭا تۋعان نارەستەلەردىڭ پاتروناجى تۋرالى نە ءبىلۋى كەرەك؟ جىل سايىن قازاقستاندا 400 مىڭعا جۋىق ءسابي دۇنيەگە كەلەدى. ءومىردىڭ العاشقى ايلارىندا جاڭا تۋعان نارەستە ۇنەمى باقىلاۋدى جانە دۇرىس كۇتىمدى قاجەت ەتەدى.
بۇل ءۇشىن ءبىزدىڭ مەديتسينالىق ۇيىمداردا پاتروناجدىق قىزمەت جۇمىس ىستەيدى، بالانى ۇيدەن شىعارعاننان كەيىن ەمحانادان ۋچاسكەلىك بالالار مەدبيكەسى باقىلايدى.
18 جاسقا دەيىنگى بالالار مەديتسينالىق ساقتاندىرۋ جۇيەسىندە ازاماتتاردىڭ جەڭىلدىكتى ساناتىنا كىرەدى، سوندىقتان ولارعا تۋعاننان باستاپ كامەلەتكە تولعانعا دەيىن بارلىق مەديتسينالىق كومەك مەملەكەت ەسەبىنەن تەگىن كورسەتىلەدى.
جاڭا تۋعان نارەستەلەردى پاتروناجداۋ - بۇل اۋرۋدىڭ الدىن الۋ، اتا-انالاردى بالانىڭ ۇيلەسىمدى دامۋى ءۇشىن وعان دۇرىس كۇتىم جاساۋعا ۇيرەتۋ ماقساتىندا پەرزەنتحانادان شىققاننان كەيىن ۇيدەگى كىشكەنتاي پاتسيەنتتى بەلسەندى باقىلاۋ جۇيەسى.
ايتا كەتۋ كەرەك، اناسى مەن بالاسى اۋرۋحانادا تاۋلىك بويى مەديتسينالىق باقىلاۋ ءۇشىن قاناعاتتانارلىق جاعدايدا جانە مەديتسينالىق كورسەتكىشتەر بولماعان كەزدە عانا اۋرۋحانادان شىعارىلادى.
شىعارىلعاننان كەيىن پەرزەنتحانا بالا تۋرالى اقپاراتتى ودان ءارى باقىلاۋ ءۇشىن ناقتى تۇراتىن جەرى بويىنشا ەمحاناعا بەرەدى.
ەرەجەگە سايكەس، مەدبيكە العاش رەت كىشكەنتاي ناۋقاسقا اۋرۋحانادان شىققاننان كەيىن 1-3 كۇننەن كەشىكتىرمەي بارۋى كەرەك. پەريناتالدى جانە تۋا بىتكەن پاتولوگيانىڭ بەلگىلەرى بار شالا تۋىلعان نارەستەلەرگە شىعارىلعان كۇنى دەرەۋ بارۋ كەرەك.
ەگەر بۇل كۇن دەمالىس نەمەسە مەرەكە كۇندەرىنە كەلسە، مۇنداي نارەستەلەرگە كەزەكشى پەدياتر دارىگەر بارادى.
