اتاۋلى الەۋمەتتىك كومەك: ەلوردادا 400 دەن استام ءوتىنىش قابىلداندى
اتاۋلى الەۋمەتتىك كومەكتىڭ بۇل ءتۇرى تۇرمىسى تومەن بارلىق وتباسىلارعا بەرىلەدى، دەپ حابارلايدى قازاقپارات استانا قالالىق جۇمىسپەن قامتۋ ورتالىعىنا سىلتەمە جاساپ.
«1- ساۋىردەن باستاپ قالاداعى 5 مەكەمەدە، اتاپ ايتقاندا حالىقتى جۇمىسپەن قامتۋ ورتىلىعى جانە 4 اۋدان اكىمدىگىندە اتاۋلى الەۋمەتتىك كومەك بويىنشا ازاماتتاردان قۇجات قابىلداۋ باستالدى. بۇگىن قالا بويىنشا 436 ادامنان ءوتىنىش قابىلداندى، ونىڭ ىشىندە 342-حالىقتى جۇمىسپەن قامتۋ ورتالىعى ارقىلى، 25 ءوتىنىش الماتى اۋدانى اكىمدىگى، 19 ءوتىنىش بايقوڭىر اۋدانى اكىمدىگى، 10 ءوتىنىش ەسىل اۋدانى اكىمدىگى جانە 40 ادام سارىارقا اۋدانى اكىمدىگى ارقىلى ءوتىنىش ءبىلدىردى. بارلىق ءوتىنىش يەلەرىنە ءتيىس كونسۋلتاتيۆتىك كومەك كورسەتىلدى»، - دەلىنگەن ورتالىقتىڭ حابارلاماسىندا.
جۇمىسپەن قامتۋ ورتالىعىنىڭ مالىمەتى بويىنشا، ا ا ك بويىنشا حالىقپەن جۇمىس ىستەپ، كومەك كورسەتۋ ماقساتىندا ارنايى وقۋ كۋرسىنان وتكەن 36 مامان بەكىتىلدى.
ەسكە سالا كەتسەك، بۇعان دەيىن استانادا اتاۋلى الەۋمەتتىك كومەك الاتىن وتباسىلاردىڭ سانى 2,2 ەسەگە ارتقانى تۋرالى حابارلاعان بولاتىنبىز.
