قازاقستان قىتايعا جىلىنا 400 ميلليون جۇمىرتقا ەكسپورتتاي الادى - بوجكو
«بىزگە قىتايدىڭ نارىعىنا ەنۋ كەرەك. سەبەبى، 5 جىل بۇرىن قازاقستاندىق قۇس شارۋاشىلىعىمەن اينالىسۋشىلار جەرگىلىكتى نارىقتى قامتاماسىز ەتۋدى كوزدەسە، قازىرگى تاڭدا نارىقتى تولىق قاناعاتتاندىرىپ، ءتىپتى ەكسپورتقا شىعارۋعا مۇمكىندىك الىپ وتىرمىز. جانىمىزدا قىتايدىڭ الىپ نارىعى تۇر. قازىردىڭ وزىندە تاجىكستان، قىرعىزستان، اۋعانستان ەلدەرىنە جۇمىرتقا ەكسپورتتالۋدا. تەك اۋعانستانعا عانا وتكەن جىلى 13 ميلليون دوللاردىڭ 250 ميلليون جۇمىرتقاسى جونەلتىلدى. ءبىزدىڭ جۇمىرتقا باسەكەگە قابىلەتتى»، - دەيدى قازاقستان جۇمىرتقا وندىرۋشىلەر قاۋىمداستىعىنىڭ پرەزيدەنتى ماكسيم بوجكو سەلينوگراد اۋدانىنىڭ ورتالىعى اقمول اۋىلىندا ب ا ق وكىلدەرىنە بەرگەن سۇحباتىندا.
ونىڭ ايتۋىنشا، قازىرگى تاڭدا جۇمىرتقانى ەكسپورتقا شىعارۋ باعىتىندا يران تاراپىمەن كەلىسسوزدەر جۇرگىزىلۋدە.
«ەكسپورت بويىنشا ساندار جىل سايىن ءۇش ەسەگە ءوسىپ كەلەدى. ەگەر 2015 -جىلى ەكسپورتقا 20 ميلليون جۇمىرتقا شىعارىلسا، 2016 -جىلى 120 ميلليون، 2017 -جىلى 280 ميلليون جونەلتىلگەن. ءبىز وندىرىستىك قۋاتتىلىقتى ودان ارى وسىرە الامىز. ءبىراق، ءونىمىمىزدى ساتىپ الاتىن نارىق كەرەك. ۆەتەرينارلىق ماسەلەلەرگە بايلانىستى قىتاي قازىر قازاقستانداعى وندىرىلەتىن جۇمىرتقانى المايدى. وتكەن جىلى قىتايلىق ۆەتەرينارلار قۇس فابريكالارىنان باسقا ءبىزدىڭ كاسىپورىنداردى ارالاعان. اۋىل شارۋاشىلىعى مينيستىرلىگىنەن ءوتىنىم بولماعاننان كەيىن جۇمىرتقا وندىرەتىن فابريكا مەن قۇس فابريكالارىنا ولار بارمادى»، - دەيدى ول.
بوجكو اۋىل شارۋاشىلىعى مينيسترلىگى تاراپىنان جۇمىرتقا وندىرۋشىلەر كومەك كۇتەتىنىن ايتتى.
«بىزگە الەۋەتتى ساتىپ الۋشىلار كەلگەنىمەن، تىيىمدى بىلگەننەن كەيىن بۇرىلىپ كەتە بارادى. قىتاي نارىعىنىڭ ءبىر پايىزىنا عانا 4 ميلليارد جۇمىرتقا كەرەك. قازىر ءبىز جىلىنا 4 ميلليارد جۇمىرتقانى ءوندىرىپ جاتقانىمىزبەن، بىردەن ونىڭ ءبارىن سونداعى نارىققا ەنگىزۋدى كوزدەپ وتىرعان جوقپىز. ءبىز تەك ارتىلعانىن شىعارعىمىز كەلەدى. قازىر ارتىق قالاتىن جۇمىرتقانىڭ سانى 300-400 ميلليونعا جەتىپ وتىر. دەمەك، بۇل قىتاي نارىعىنىڭ 0,1 پايىزى. بىزگە اسىرەسە، شىڭجاڭ- ۇيعىر اۆتونوميالى ولكەسىنىڭ نارىعى قىزىقتى»، - دەيدى ماكسيم بوجكو.
ايتا كەتسەك، بۇگىن ق ر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى ءومىرزاق شوكەيەۆ سەلينوگراد اۋدانىنداعى «رودينا اف» ج ش س- دا بولدى. سونىمەن بىرگە، مينيستر سەلينوگراد اۋدانىنىڭ اكىمدىگىندە اۋىل شارۋاشىلىعى كاسىپورىندارىنىڭ باسشىلارىمەن سالانىڭ وزەكتى ماسەلەلەرىن تالقىلادى.
اۆتور: ايان بەكەن ۇلى
