حالىق بانكىنىڭ باسشىسى دوللار باعامى 400 تەڭگەگە جەتەتىنىن جوققا شىعاردى
ونىڭ سوزىنشە، مۇنىڭ بارلىعى ۋاقىتشا قۇبىلىس، ال ءتول تەڭگە قۇلدىراپ، دوللار باعامى 400 گە بارادى دەگەن مۇلدە قيسىنسىز.
«وزدەرىڭىز كورگەندەي، ۇلتتىق بانك تەڭگەنىڭ السىرەۋىنە ەشبىر نەگىز جوق ەكەنى جايلى رەسمي مالىمدەدى. بۇل مۇناي قۇنىنا، سونداي-اق رۋبل مەن دوللار كۋرسىنا تىكەلەي قاتىستى. مەن مۇنى الىپساتارلاردىڭ ءىسى دەر ەدىم. بۇگىنگى بيرجادا تەڭگەنىڭ نىعايعانىن كوردىك»، - دەيدى «قازاقستان حالىق بانكىنىڭ» باسقارما ءتورايىمى ءۇمىت شاياحمەتوۆا.
شاياحمەتوۆانىڭ پايىمىنشا، نارىق قاتىسۋشىلارى تەڭگەنىڭ ەركىن اينالىمعا جىبەرىلۋىنەن كەيىن بولعان قيىنشىلىقتارعا بەيىمدەلىپ ۇلگەردى. ۇلتتىق بانكتىڭ جاڭا اقشا نەسيە ساياساتىنا دا بوي ۇيرەندى. سوندىقتان تەڭگە باعامىن بىرىزدىلىككە ءتۇسىرۋ اسا قولايلى شەشىم ەمەس، ءارى مەملەكەت ءۇشىن ءتيىمسىز دەيدى.
