شىمكەنتتە 400 وتباسىعا قايىرىمدىلىق كومەگى كورسەتىلدى

وڭىردەگى قاۋىمداستىق مۇگەدەك جاندار مەن جالعىز باستى انالارعا جانە الەۋمەتتىك جاعدايى تومەن وتباسىلارعا 500 دەن استام ازىق-تۇلىك سەبەتىن تابىستادى، دەپ حابارلايدى قازاقپارات ح ا ا ءتىلشىسى.

الەۋمەتتىك سەبەت ۇن، ماي، شاي، قانت، كۇرىش پەن ماكارون سىندى العاشقى قاجەتتى ازىقپەن تولتىرىلعان. كۇندەلىكتى تاماق پەن كيىم- كەشەگىن ارەڭ الاتىن وتباسىلار ءۇشىن بۇل كۇتپەگەن توسىنسىي بولدى.

ولار قايىرىمدىلىق شاراسىن جاساعاندارعا ريزاشىلىقتارىن ءبىلدىردى. بۇل وتباسىلار ءتىزىمىن وبلىس اكىمدىگىنەن العانىن ايتقان كاسىپكەرلەر قاۋىمداستىعىنىڭ وكىلدەرى الداعى ۋاقىتتا دا مۇنداي يگى ىستەر جالعاسىن تاباتىنىن ايتىپ وتىر.

ايتا كەتەيىك، بۇگىندە «قازاق- تۇرىك» كاسىپكەرلەر قاۋىمداستىعىندا 50 دەن استام قازاق- تۇرىك كاسىپكەرلەرى تىركەلگەن. بۇل قاۋىمداستىق ەكى ەل اراسىنداعى قارىم-قاتىناستىڭ ارتا تۇسۋىنە ىقپال ەتىپ، قۇقىقتىق كومەك كورسەتەدى جانە وڭىرگە ينۆەستورلاردىڭ كوپتەپ كەلۋىنە ىقپال ەتىپ كەلەدى.

اۆتور: اينۇر اقبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى