قىتايداعى جويقىن جارىلىستىڭ شىعىندارى 400 ميلليون دوللاردان اسىپ كەتۋى مۇمكىن - فوتو
تيانجين - قىتايداعى اۆتوموبيلدى يمپورتتايتىن ەڭ ءىرى پورتتاردىڭ ءبىرى. بەيجىڭنەن 96 شاقىرىم قاشىقتىقتا ورنالاسقان. 15 ميلليون حالقى بار.
قازىرگى تاڭدا الەمدىك ساقتاندىرۋ كومپانيالارى تەحنوگەندىك اپاتتىڭ شىعىندارىن ەسەپتەپ جاتىر. ازىرگە شىعىن كولەمى 400 ميلليون ا ق ش دوللارى كولەمىندە بولۋى مۇمكىن دەگەن بولجام بار.
الدىن- الا اقپار بويىنشا، قويمالاردىڭ بىرىندە ءىرى كولەمدەگى جارىلعىش زات ىسكە قوسىلىپ كەتكەن. جارىلىس قىمبات ماركالى اۆتوكونتسەرننىڭ 4000 كولىگىن جارامسىز ەتكەن. ولاردىڭ شىعىنى 50 ميلليون ا ق ش دوللارىن قۇراپ وتىر.
جارىلىس تولقىنى پورت مۇلكى مەن تەڭىز جۇكتەرىن، جانىپ كەتكەن قويمالارداعى مۇلىكتەردى جارامسىز ەتتى. كەلتىرىلگەن شىعىن كولەمى $ 344 ميلليون دەپ باعالانىپ وتىر.
بەيرەسمي اقپارات كوزدەرىنە سەنسەك، 50 گە تارتا ادام قازا بولىپ، 700 ادام اۋىر جارالانعان. قىتايدىڭ سەيسمولوگيالىق ورتالىعى حابارلاعانداي، ءبىرىنشى جارىلىستىڭ كۇشى تروتيل ەكۆيۆالەنتىندە 3 توننا بولسا، ەكىنشىسىنىڭ كۇشى 21 توننا بولعان.
ساقتاندىرۋ نارىعىندا مۇنداي ۇلكەن تولەم 2011 -جىلدىڭ 11 - شىلدەسىندە كيپردە بولعان اپاتقا تولەنگەن ەدى.
سول كەزدە قازاقستاندىق كومپانيا $3,6 ميلليون كولەمىندە وتەماقى تولەدى.
«قازىر ءبىزدىڭ ساقتاندىرۋ كومپانياسى تولىق ەسەپتى كۇتىپ وتىر. ءبىز وزىمىزگە بەلگىلەنگەن مىندەتتەمەلەردى تولىعىمەن وتەيمىز» ، - دەدى ساقتاندىرۋ كومپانياسىنىڭ وكىلدەرى.
ايتا كەتەيىك، سارسەنبى كۇنى جەرگىلىكتى ۋاقىت بويىنشا ساعات 23:30-دا قالانىڭ ونەركاسىپ ايماعىندا تولقىنى بىرنەشە شاقىرىم جەردە سەزىلگەن كۇشتى جارىلىس بولدى. شامامەن جارتى مينۋتتان سوڭ ەكىنشىسى ورىن العان.
