استانادا 400 اۆتوبۋس تەگىن ينتەرنەت جۇيەسىمەن جابدىقتالدى
اتالعان جوبانى استانا اكىمدىگى, «BEELINE» ۇيالى بايلانىس وپەراتورى، «استانا LRT« كومپانياسى جانە «استانا Innovations« يننوۆاتسيالىق دامۋ وپەراتورى قولعا الىپ وتىر. جالپى WI- FI Bus جوباسى قازاقستاندا 2013-جىلى باستالعان بولاتىن.
BEELINE قازاقستان كومپانياسىنىڭ اتقارۋشى ديرەكتورى تاراس پارحومەنكونىڭ ايتۋىنشا، قازىرگى ۋاقىتتا WI- FI Bus جوباسى 9 قالادا جۇزەگە اسىرىلۋدا.
«ينتەرنەتتىڭ جىلدامدىعى سەكۋندىنا 1,5-نان 10 مەگابيتتى قۇرايدى. بۇگىن بىرنەشە ساعاتتىڭ ىشىندە اۆتوبۋستارداعى ينتەرنەتتى 300 دەن استام ادام پايدالانعان جانە 2,5 گ ب ترافيك جۇكتەدى»، - دەيدى ول.
«استانا LRT« كومپانياسىنىڭ باسشىسى تالعات ارداننىڭ اتاپ كورسەتكەنىندەي، بۇگىندە 100 اۆتوبۋس ينتەرنەتپەن جابدىقتالسا، تۇستەن كەيىن ولاردىڭ سانى 400 گە جەتەدى.
«جاقىن بولاشاقتا بارلىق اۆتوبۋستاردا WI- FI مودۋلدەر ورناتىلادى. بيۋدجەتتەن ەشبىر تيىن بولىنگەن ەمەس»، - دەدى ت. اردان.
اۆتور: جاسۇلان جولدىبايەۆ
