بىلتىرعى جىلى قازاقستاندا 400 مىڭ ءسابي ومىرگە كەلدى - ن. نازاربايەۆ

ەلباسىنىڭ ايتۋىنشا، بىلتىر ەلىمىزدە ءتورت ءجۇز مىڭ ءسابي ومىرگە كەلگەن، بۇل تۇتاستاي ءبىر تاراز قالاسىنىڭ تۇرعىندارىنىڭ سانىمەن بىردەي.

«جىل سايىن بىزدە تۇتاستاي ءبىر قالا حالقىنىڭ تۇرعىندارى ومىرگە كەلىپ جاتىر دەگەن ءسوز. ال كۇن سايىن مىڭ ءسابي قازاقستاندا دۇنيەگە كەلەدى. مىنە، ءبىز سىزدەرمەن كەزدەسىپ وتىرعان قىرىق مينۋت ىشىندە ءتورت بالا ەلىمىزدە دۇنيەگە ەسىگىن اشتى دەگەن ءسوز. بۇل - قازاقستاننىڭ بولاشاعى. سوندىقتان دا بۇكىل مەملەكەتتىك ساياساتتىڭ وزەگى، اتقارىپ جاتقانىمىزدىڭ بارلىعى ايەلدەر ءۇشىن، سىزدەر ءۇشىن»، - دەدى نۇرسۇلتان نازاربايەۆ.

سونىمەن قاتار ەلباسى تاۋەلسىزدىك جىلدارى تالاي قيىنشىلىقتار ەلىمىزدىڭ باسىنان وتكەنىن، بۇگىنگى تاڭدا ءبارى ارتتا قالىپ، ەلىمىز يگىلىكتى ءومىر ءسۇرىپ جاتقانىن ءمالىم ەتتى.

«قازىر ءتىپتى، اۋىلعا بارساڭىز مالشى قويىن كولىكپەن باعادى. استىندا جيپ، قولىندا ۇيالى تەلەفون، بايبىشەسىمەن حابارلاسىپ تۇرادى. مىنە، ءبىز بۇعان دا جەتتىك»، - دەدى ن. نازاربايەۆ.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى