جامبىل وبلىسى اكىمىنىڭ شيان قالاسىنا ساپارى اياسىندا 400 ميلليون دوللارعا كەلىسىم جاسالدى - فوتو

ناقتىراق ايتقاندا، قىتايلىق «دا ي» كومپانياسىنىڭ قۋاتتىلىعى 200 مۆت جەل ەلەكتروستانتسياسىنىڭ قۇرىلىسىنا ارنالعان جوبا مەن يانلين ۇلگى-تانىستىرىلىمدىق اۋىل شارۋاشىلىعى ايماعى باسقارما كوميتەتى تاراپىنان جامبىل وبلىسىندا اگرارلى- يننوۆاتسيالىق پارك قۇرۋ جوباسى بىرلەسكەن كەلىسىمنىڭ نەگىزگى بولىگىن قۇرادى.

سونىمەن قاتار، تاراپتار جامبىل وبلىسى اكىمدىگى مەن شانشي پروۆينتسياسى حالىقتىق ۇكىمەتى اراسىندا مادەني ىنتىماقتاستىق تۋرالى مەموراندۋمعا قول قويدى.

سونداي-اق، تاراز پەداگوگيكالىق ۋنيۆەرسيتەتى مەن شيان پەداگوگيكالىق ۋنيۆەرسيتەتى اراسىندا ءوزارا بايلانىستى دامىتۋ ماسەلەسى كوتەرىلدى. ساپار اياسىندا شانشي پروۆينتسياسىنىڭ مادەنيەت، ءبىلىم، عىلىم، بيزنەس وكىلدەرىنىڭ قاتىسۋىمەن جامبىل وبلىسىنىڭ ەكونوميكالىق، مادەني، تۋريزم جانە ءبىلىم بەرۋ سالاسىنداعى الەۋەتىن تانىستىرۋعا ارنالعان فورۋم بولىپ ءوتتى.

ق ح ر- عا ايماق باسشىسى، تاراز قالاسىنىڭ اكىمى، جامبىل وبلىسى اكىمدىگى قىزمەتكەرلەرى، كاسىپكەرلەر، تاريحشى عالىمدار، ج و و رەكتورلارى باستاعان 12 ادامنان تۇراتىن دەلەگاتسيا باردى.

ەسكە سالا كەتەيىك، تاراز جانە شيان - باۋىرلاس قالالار، ال جامبىل وبلىسى مەن شانشي پروۆينتسياسى قازاقستان مەن قىتايدىق ايماق ارالىق قارىم-قاتىناسىن دامىتۋدا الدىڭعى ورىندا كەلەدى. جامبىل وبلىسى اكىمىنىڭ شيان قالاسىنا ساپارى اياسىندا 400 ميلليون دوللارعا كەلىسىم جاسالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى