قازاقستانداعى قۇلانداردىڭ سانى 4000 نان استى
2019 -جىلعى 11 - قازان كۇنى «بارساكەلمەس» مەملەكەتتىك تابيعي قورىعىنان مەملەكەتتىك «التىن دالا» رەزەرۆاتىنىڭ اۋماعىنداعى جابايى تۇياقتىلاردى رەينترودۋكتسيالاۋ ورتالىعىنا ەكى قۇلان اكەلىندى.
«قازاقستانداعى قۇلاندى رەينترودۋكتسيالاۋ» جوباسى 2017 -جىلى قازاقستان بيوالۋان تۇرلىلىكتى ساقتاۋ قاۋىمداستىعىمەن جانە نورۆەگيا تابيعاتتى قورعاۋ ينستيتۋىمەن بىرلەسىپ قولعا الىنعان.
ءبىزدىڭ ەلىمىزدە قۇلان قىزىل كىتاپقا ەنگەن جانە جوعالۋ قاۋپى بار سيرەك كەزدەسەتىن جانۋارلار قاتارىندا. 2019 -جىلى قازاقستانداعى قۇلانداردىڭ سانى 4000 نان اسادى جانە بىرتىندەپ ءوسىپ كەلەدى، دەگەنمەن جارتى عاسىر بۇرىن ولاردىڭ سانى 100 دەن كوپ بولماعان.
جانۋارلاردى بىرنەشە كۇن بۇرىن قازاقستاندىق جانە شەتەلدىك ماماندانداردىڭ بىرلەسكەن توبى ۇستادى.
سونداي- اق، جانۋارلاردى ۇستاۋ بارىسىندا ولاردى زەرتتەۋ ءۇشىن جانە قورعالۋىن جاقسارتۋ ماقساتىندا ءۇش قۇلانعا GPS- حابارلاعىش قويىلعان. وسىلايشا بارساكەلمەس قورىعىنىڭ اۋماعىندا بەلگى قويىلعان التى قۇلان ءجۇر.
التىن ەمەل ۇلتتىق ساياباعىندا حابار تاراتقىشپەن جۇرگەن ەكى جانۋاردى جانە ىرعىز- تورعاي رەزەرۆاتىنداعى ەكى قۇلاندى ەسەپتەيتىن بولساق، قازاقستان بويىنشا ون قۇلاننان قۇندى اقپارات الىپ وتىرمىز.
شارا قازاقستان بيوالۋان تۇرلىلىكتى ساقتاۋ قاۋىمداستىعىنىڭ، ق ر ەگترم ورمان شارۋاشىلىعى جانە جانۋارلار دۇنيەسى كوميتەتىنىڭ جانە شەتەلدىك ارىپتەستەردىڭ 2017 -جىلدان بەرى جۇزەگە اسىرىپ كەلە جاتقان ورتالىق قازاقستانداعى قۇلانداردى رەينترودۋكسيالاۋ جونىندەگى حالىقارالىق جوباسىنىڭ ءبىرى بولىگى بولىپ سانالادى.
قۇلانداردى ۇستاپ، جەتكىزۋدە قازاقستان بيوالۋان تۇرلىلىكتى ساقتاۋ قاۋىمداستىعىنىڭ، «وحوتزووپروم» ءو ب» ر م ق ك اۋدۋرۋ ورتالىعىنىڭ، بارساكەلمەس قورىعىنىڭ، قىزىلوردا جانە قوستاناي وبلىستىق اۋماقتىق ينسپەكسيالاردىڭ، «التىن دالا» مەملەكەتتىك تابيعي رەزەرۆاتىنىڭ قىزمەتكەرلەرى، سونداي- اق، اۋستريا، فرانتسيا، گەرمانيا جانە ۆەنگريانىڭ مال دارىگەرلەرى قاتىستى.
