400 ميلليون تەڭگە سالىق - جەننيفەر لوپەس كونسەرتى قازاقستانعا قانداي پايدا اكەلەدى

- بۇگىن قازاقستان ءۇشىن عانا ەمەس، تۇتاس ورتالىق ازيا ءۇشىن تاريحي وقيعا بولاتىن ەرەكشە جوبانى قۋانىشپەن كورسەتكىم كەلەدى. 1-تامىزدا «استانا ارەنا» ستاديونىندا الەمگە ايگىلى ءانشى جەننيفەر لوپەستىڭ كونسەرتى وتەدى، ول تولىعىمەن كوممەرتسيالىق نەگىزدە ۇيىمداستىرىلعان، - دەدى م. حاسەنوۆ ۇكىمەتتىڭ بۇگىنگى وتىرىسىندا.

ونىڭ ايتۋىنشا، جەننيفەر لوپەستىڭ كەلۋى - استانانىڭ ا- كلاسستى جۇلدىزداردىڭ گاسترولدىك كارتاسىنا ەنۋىنە جول اشادى.

− بۇل كونسەرتكە 15 مىڭنان استام شەتەلدىك تۋريست كەلەدى دەپ بولجاپ وتىرمىز. قالانىڭ ەكونوميكاسىنا، HoReCa جۇيەسىنە (قوناق ءۇي، مەيرامحانا، كەيتەرينگ) 6,5 ميلليارد تەڭگە جانە كونسەرت وتكىزۋدەن 400 ميلليون تەڭگەدەن استام تىكەلەي سالىق ءتۇسىمى كۇتىلەدى - دەدى ول.

ايتا كەتەيىك، كەشە الەمدىك جۇلدىز Up All Night تۋرنەسىنىڭ باستالعانىن جاريالادى. الەمدىك تۋر 1-شىلدەدە باستالىپ، 3-تامىزعا دەيىن جالعاسادى. ول الەمنىڭ 17 قالاسىن قامتيدى، سونىڭ ىشىندە: انتاليا مەن ىستانبۇل، مادريد پەن بارسەلونا، بۋداپەشت، ۆارشاۆا، بۋحارەست، ءابۋ-دابي قالالارى بار.

اۆتور

ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى