قازاقستان حالقىنا قورىنا تاعى 40,8 ميلليارد تەڭگە ءتۇستى

بولجامدىق ەسەپتەرگە سايكەس، قور جىلىنا كەمىندە 100 ميلليارد تەڭگە كولەمىندە قاراجات جيناقتايدى. الدىن- الا ەسەپتەۋلەر شەتەلدىك جانە حالىقارالىق كومپانيالاردان قاراجات الۋدى كوزدەمەيدى. 28- قاڭتاردا «قازاقستان حالقىنا» قورى شوتتارىنا قاراجات اۋدارعاندار:

- «ERG КӨМЕК»كورپوراتيۆتى قورى - 30 ميلليارد تەڭگە؛

- «حالىق» قايىرىمدىلىق قورى - 10 ميلليارد تەڭگە؛

- سۋلەيمەنوۆ دياس تۋلەۋتايەۆيچ - 450 ميلليون تەڭگە؛

- «بانك سەنتر كرەديت» ا ق - 200 ميلليون تەڭگە؛

- «كولىكتىك سەرۆيس ورتالىعى» ا ق - 150 ميلليون تەڭگە.

قور باسشىلىعى الىنعان بارلىق قاراجاتتىڭ تولىق اشىقتىعى مەن ەسەپتىلىگى قامتاماسىز ەتىلەتىنىن مالىمدەيدى. اقشا قازاقستان حالقىنىڭ يگىلىگىنە، دەنساۋلىق ساقتاۋ، الەۋمەتتىك سالا، ءبىلىم، مادەنيەت جانە سپورت پروبلەمالارىن شەشۋگە باعىتتالادى. «قازاقستان حالقىنا» قوعامدىق قورى مەملەكەت باسشىسى قاسىم- جومارت توقايەۆتىڭ دەنساۋلىق ساقتاۋ، ءبىلىم بەرۋ، الەۋمەتتىك سالا، مادەنيەت جانە سپورت سالالارىنداعى ناقتى ماسەلەلەردى شەشۋ جونىندەگى باستاماسىن قولداعان بارلىق قازاقستاندىقتارعا، ءىرى كاسىپورىندارعا، ەڭبەك ۇجىمدارىنا العىس بىلدىرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى