ارىس تۇرعىنى 40 كەلىلىك قوشقاردى 3555 رەت كوتەرىپ، قازاقستان رەكوردتار كىتابىنا ەندى
ول سالماعى 40 كەلى قوشقاردى 5 ساعات 26 مينۋتتا 3555 رەت كوتەردى، دەپ حابارلايدى قازاقپارات ءتىلشىسى
37 جاستاعى ازامات نۇرعالي ۇلى قۇرىلىس سالاسىندا قىزمەت ەتەدى. سپورتتىڭ بىرنەشە تۇرىمەن اينالىسادى.
قوشقار كوتەرۋ سايىسىنا قىزىعۋشىلىعى 2018-جىلدان باستالعان. سودان بەرى كوپتەگەن جارىستاردا جۇلدەلى ورىنداردى يەلەنگەن.
تۇركىستان قالاسىندا وتكەن شارادا بىلەكتى جىگىت 40 كەلى بولاتىن قوشقاردى 5 ساعات 26 مينۋتتا 3555 رەت كوتەردى.
بۇل - قازاقستان بويىنشا ەڭ سوڭعى رەكورد.
جيىندا قازاقستان رەكوردتار كىتابىنىڭ (كينەس) كەيىپكەرى رەتىندە ازاماتقا ارنايى كۋالىك تابىستالدى.
تۇركىستان وبلىسى اكىمىنىڭ ورىنباسارى بەيسەن تاجىبايەۆ بىلەكتى ازاماتتى ارنايى قابىلداپ، جەڭىسىمەن قۇتتىقتادى.
«قوشقار كوتەرۋ — قازاقتىڭ ۇلتتىق سپورتىنىڭ ءبىر ءتۇرى. بۇقارالىق سپورتتىق سايىستارعا قاتىسىپ، ناسيحاتتاپ كەلە جاتقانىڭىز ءۇشىن العىس بىلدىرەمىز. بۇل — ەڭبەكپەن ءارى تىڭعىلىقتى دايىندىقپەن كەلەتىن جەتىستىك. وسى باعىتتا ءالى دە وبلىسىمىزدى تانىتۋعا اتسالىساسىز دەگەن سەنىمىمىز مول»، — دەيدى بەيسەن تاجىبايەۆ.
الداعى ۋاقىتتا بالۋان الەمدىك دەڭگەيدەگى سايىستاردا باق سىناماق.
شەتەلدەردە وتەتىن الىپتار سايىسىنا قاتىسىپ، 5 مىڭ رەت مۋلياج كوتەرۋ ارقىلى حالىقارالىق دەڭگەيدە گيننەس رەكوردتار كىتابىنا جوسپارلاپ وتىر.
