استانادا ماس كۇيىندە كولىك جۇرگىزگەن 40 ازاماتقا ۇكىم شىعىپ، 1 ادامعا ىزدەۋ جاريالاندى
بۇل تۋرالى بۇگىن استانا قالالىق پروكۋراتۋراسىندا وتكەن بريفينگتە قالالىق پروكۋرور كومەكشىسى، 2- باسقارما باسشىسى رۋسلان ايتىموۆ ءمالىم ەتتى.
ونىڭ ايتۋىنشا، كولىكتى ماس كۇيىندە جۇرگىزۋ فاكتىلەرى بويىنشا 40 ازاماتقا قاتىستى ۇكىم شىعىپ، ءبىر ادامعا ىزدەۋ جاريالانعان. سونىمەن قاتار، اتالعان فاكتىلەر بويىنشا بيۋدجەتكە 3 ميلليون 240 مىڭ 570 تەڭگە ءوندىرىلدى.
«اتاپ وتەرلىك جايت، بۇرىن ماس كۇيىندە كولىك جۇرگىزگەن ازاماتتار اكىمشىلىك قۇقىق بۇزۋشىلىق كودەكسىنىڭ 467 جانە 475-باپتارى بويىنشا جازاعا تارتىلاتىن. 2015 -جىلدىڭ 1 -قاڭتارىنان باستاپ ماس كۇيىندە كولىك جۇرگىزۋ قىلمىستىق جاۋاپكەرشىلىكتى كوزدەيدى. ياعني، ماس كۇيىندە كولىك جۇرگىزۋ اكىمشىلىك جاۋاپكەرشىلىك ساتىسىنان قىلمىستىق جاۋاپكەرشىلىككە اۋىستىرىلدى»، - دەدى ر. ايتىموۆ.
ونىڭ تۇسىندىرۋىنە قاراعاندا، ەندىگى كۇنى كولىك جۇرگىزۋ قۇقىعىنان ايىرىلعانىنا قاراماستان، سونىمەن قاتار، ماس كۇيىندە نەمەسە ەسىرتكى پايدالانىپ كولىك جۇرگىزگەن ازاماتتار ءۇش جىل مەرزىمگە بەلگىلى ءبىر لاۋازىمدى قىزمەت اتقارۋ قۇقىعىنان شەكتەلەدى جانە 90 تاۋلىككە دەيىن قاماۋعا الىنۋى مۇمكىن.
اۆتور: قانات مامەتقازى ۇلى
