جىل سايىن 40 مىڭ قازاقستاندىق 10 سوتىق جەر الىپ وتىرادى
الداعى 15 جىلدا ساتىپ الىنبايتىن جالعا بەرىلەتىن باسپانا سالۋعا جىل سايىن 25 ميلليون تەڭگە ءبولىنىپ وتىرادى. مۇنداي باسپانا قۇنى شارشى مەترىنە 100 تەڭگە بولادى. مۇنداي جەڭىلدىك قاراستىرىلعان باسپانالار الەۋمەتتىك ءالسىز توپتاعى ادامدارعا بەرىلەدى.
ەكىنشى باعىت «تۇرعىن ءۇي قۇرىلىس جيناق بانكى» ا ق جۇيەسى ارقىلى كرەديتتىك باسپانامەن قامتۋ، سونىڭ ىشىندە، دارىگەرلەر، مەملەكەتتىك قىزمەتكەرلەر مەن اسكەريلەردى. مۇنداي كرەديتتەردىڭ ءوسىمى 4-5 پايىز عانا بولادى.
مۇنداي باسپانالار قۇنى ايماقتاردا شارشى مەترىنە 140 مىڭ تەڭگە بولادى. استانا، الماتى جانە اقتاۋدا باسپانا قۇنى شارشى مەترىنە 180 مىڭ تەڭگە بولادى. مۇنداي باسپاناعا يە بولۋ ءۇشىن 30 پايىز العاشقى جارناڭىز بولۋى كەرەك.
«تۇرعىن ءۇي قۇرىلىس جيناق بانكى» سالىمشىلارىنا الماتى مەن استانادا تىركەۋدە بولۋ مەرزىمى ەكى جىل، ال كەزەكتە تۇرعاندارعا ءۇش جىل. سوڭعى بەس جىلدا باسپاناسى بولماعان ادامدار وسىنداي پاتەرگە يە بولا الادى» ، - دەيدى جايىمبەتوۆ.
ءۇشىنشى باعىت يپوتەكا بولادى. ۇكىمەت 10 پايىزدان اسقانىنا سۋبسيديا بولەدى. ەكىنشى دەڭگەيلى بانكتەر ۇلتتىق بانكتىڭ نەگىزىگى مولشەرلەمەسى بويىنشا كرەديت بەرەدى. سونىمەن 16-17 پايىزداي شىعادى. 7 پايىزعا دەيىن يپوتەكا الۋشىلارعا مەملەكەت سۋبسيديا بولەدى. مۇنداعى شارت استانا مەن الماتىداعى باسپانا باعاسى 20 ميلليوننان، ال ايماقتاردا 15 ميلليوننان اسپاۋى كەرەك.
كەلەسى باعىت - قۇرىلىسشىلارعا كرەديت بەرۋ. مۇندا بەكىتىلگەن باعا استانا مەن الماتىدا شارشى مەتىرىنە 260 مىڭ، ايماقتاردا - 220 مىڭ تەڭگە بولادى.
بەسىنشى جانە نەگىزگى باعىت - جەكە باسپانا قۇرىلىسى. مەملەكەت جەكە قۇرىلىس جۇرگىزەتىن اۋدانداردىڭ ينفراقۇرىلىمىن جاسايدى، بۇعان جىل سايىن 40 ميلليارد تەڭگە بولىنەدى.
«جىل سايىن 40 مىڭ جەر تەلىمىن بەرۋدى جوسپارلاپ وتىرمىز، 15 جىلدا 600 مىڭ جەر تەلىمى بەرىلەدى. كەزەكتە تۇرعاندار 10 سوتىقتان الادى. شارشى مەتىرىنە 120 مىڭ تەڭگەدەن كوتتەدج قالاشىقتارى سالىنادى، وبلىس ورتالىقتارى اۋىلعا ۇقساپ كەتپەس ءۇشىن»، - دەيدى مارحابات جايىمبەتوۆ.
