بيىل 4,8 مىڭ كوپبالالى وتباسى پاتەرمەن قامتىلادى
«2019 -جىلى جىلدىق 2 پايىزبەن جەڭىلدەتىلگەن كرەديت بەرەتىن «باقىتتى وتباسى» باعدارلاماسى ىسكە قوسىلدى. كوپبالالى، تولىق ەمەس وتباسىلاردىڭ جانە مۇگەدەك بالالارى بار وتباسىلاردىڭ وسى باعدارلاما بويىنشا باستاپقى جانە قايتالاما نارىقتاردان تۇرعىن ءۇي ساتىپ الۋعا مۇمكىندىگى بار. 2019 -جىلى 5 مىڭنان استام وتباسى تۇرعىن ءۇي جاعدايلارىن جاقسارتتى. وسى جىلى 49,1 ميلليارد تەڭگە ءبولىندى جانە 4900 وتباسى قولداۋمەن قامتاماسىز ەتىلەتىن بولادى. قازىرگى كەزدە «تۇرعىن ءۇي قۇرىلىس جيناق بانكىنە» 4769 ءوتىنىش ءتۇسىپ، ونىڭ ىشىندە 4074 وتباسىنا قارىز بەرىلدى»، - دەدى كوميتەت ءتوراعاسى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ ايتۋىنشا، تابىسى ءبىر ەڭ تومەنگى كۇنكورىس دەڭگەيىنەن اساتىن كەزەكتە تۇرعان حالىقتىڭ الەۋمەتتىك جاعىنان وسال توپتارى ءۇشىن ساتىپ الۋ قۇقىعىنسىز جالعا بەرىلەتىن تۇرعىن ءۇي سالىنادى.
«جىل سايىن جالعا بەرىلەتىن 3700 پاتەر سالۋعا جانە ساتىپ الۋعا 32,8 ميلليارد تەڭگە ءبولۋ كوزدەلگەن. بيىل 4222 حالىقتىڭ الەۋمەتتىك جاعىنان وسال توبىن تۇرعىن ۇيمەن قامتاماسىز ەتەمىز»، - دەدى مارحابات جايىمبەتوۆ.
