قازاقستان مۇراجايلارىندا ءبىر جىلدىڭ ىشىندە 4,8 ميلليون ادام بولدى
مەرەكە 1977 - جىلى پايدا بولدى - مۇراجايلاردىڭ كەزەكتى حالىقارالىق كەڭەسىندە وسى كۇندى مەرەكە رەتىندە بەلگىلەۋ ۇسىنىلدى. ال كەلەسى 1978 - جىلدىڭ وزىندە ونى مەرەكەلەۋگە 150دەن استام ەل قاتىستى.
1992 - جىلى حالىقارالىق مۇراجايلار كەڭەسىنىڭ باسشىلىعى بۇل كۇندى بەلگىلى ءبىر تاقىرىپتا وتكىزۋدى ۇسىندى. سودان بەرى حالىقارالىق مۇراجايلار كۇنى بەلگىلى ءبىر تاقىرىپ اياسىنداعى ءىس- شارالاردى ۇيىمداستىرىلادى. 2014 - جىلعى حالىقارالىق مۇراجايلار كۇنىنىڭ تاقىرىبى «مۇراجاي كوللەكتسيالارى قۇرعان بايلانىستار» دەپ اتالادى. ويتكەنى مۇراجاي ۇرپاقتار مەن الەمدىك مادەنيەتتەر اراسىن جالعاستىراتىن مەكەمە. بۇل كۇنى قازاقستان مۇراجايلارىندا ءارتۇرلى ەكسكۋرسيالىق تۋرلار جانە باسقا دا مادەني شارالار ۇيىمداستىرىلادى.
ناق وسى مۇراجايلار مادەنيەتارالىق جانە ۇلتارالىق بايلانىستاردى ءتيىمدى جالعاستىرا الادى، الۋان ءتۇرلى مادەنيەتتەر مەن حالىقتاردىڭ رۋحاني جانە مادەني بىرلىگىن قامتاماسىز ەتەدى. سوندىقتان دا قازاقستان ۇكىمەتى مادەنيەت ءۇشىن ماڭىزدى وسى سالانى دامىتۋعا باسا كوڭىل ءبولىپ وتىرادى.
ق ر ستاتيستيكا اگەنتتىگىنىڭ مالىمەتتەرى بويىنشا 1995 - جىلى قازاقستاندا بارلىعى 87 مۇراجاي بولدى، سول جىلى ولارعا 2,5 ميلليون ادام كەلدى. سودان بەرى مۇراجايلار سانى 2,6 ەسە ءوستى - 2013 -جىلدىڭ قورىتىندىلارى بويىنشا قازاقستاندا 224 مۇراجاي جۇمىس ىستەدى. مۇراجايلار سانىنىڭ وسۋىمەن قاتار ولاردا بولعان كەلۋشىلەر سانى دا ارتا ءتۇستى - وتكەن جىلى رەسپۋبليكا مۇراجايلارىندا 4,8 ميلليوننان استام كەلۋشىلەر بولدى.
