شەگىرتكەمەن كۇرەسۋ ءۇشىن 4,6 ميلليارد تەڭگە ءبولىندى
وبلىستار اكىمدىكتەرىنىڭ اۋىل شارۋاشىلىعى باسقارمالارىنىڭ دەرەكتەرى بويىنشا اعىمداعى جىلدىڭ 11 -ماۋسىمىنا اۋىل شارۋاشىلىعى داقىلدارى 17,5 ميلليون گەكتارعا سەبىلدى، بۇل 2016 -جىلدىڭ جازدىق ەگىسىنىڭ %95 قۇرايدى، دەپ حابارلادى ق ر اۋىل شارۋاشىلىعى مينيسترلىگىنىڭ باسپا ءسوز قىزمەتى.
جازدىق ماساقتى ءداندى داقىلدار شامامەن 14,5 ملن. گا القابىنا سەبىلىپ، تولىعىمەن اياقتالدى. مايلىلار 1,9 ملن. گا استام القاپتا (%99,2)، كوپجىلدىق شوپتەر - 329,2 مىڭ گەكتار (%100,2)، كوكونىس- باقشا - 227,9 مىڭ گەكتار (%104,0)، كارتوپ - 182,9 مىڭ گەكتار (%99,3)، ماقتا - 108,2 مىڭ گەكتار (%97,8) جانە قانت قىزىلشاسى - 12,0 مىڭ گەكتار (97,2%) سەبىلدى. كەيبىر وبلىستاردا مايلى داقىلدار، كوپجىلدىق شوپتەر ەگىسى، كوكونىس جانە كارتوپ وتىرعىزۋ اياقتالماعان.
2016 -جىلعى ونىمگە 2,4 ميلليون توننا اۋىل شارۋاشىلىعى داقىلدارىنىڭ تۇقىمى سەبىلگەن، ونىڭ ىشىندە ءداندى داقىلدار تۇقىمى - 2 ميلليون توننا، مايلى داقىلدار - 57 مىڭ توننا، جەمشوپ داقىلدارى - 24,7 مىڭ توننا، كارتوپ - 338,4 مىڭ توننا.
كوكتەمگى دالا جۇمىستارىن جۇرگىزۋدى قارجىلاندىرۋعا ەكىنشى دەڭگەيلى بانكتەر جانە «قازاگرو» ۇ ب ح» ا ق ەنشىلەس ۇيىمدارى ارقىلى 60 ميلليارد تەڭگە بيۋدجەتتىك نەسيە بەرىلگەن. اعىمداعى جىلدىڭ 9 ماۋسىمداعى جاعداي بويىنشا 55,7 ميلليارد تەڭگە سوماسىندا 1666 ءوتىنىم قارجىلاندىرىلدى.
سونىمەن قوسا، بارلىق باعىتتار بويىنشا وسىمدىك شارۋاشىلىعى سالاسىن سۋبسيديالاۋعا 35 ميلليارد تەڭگە ءبولىندى.
2016 -جىلعى كوكتەمگى دالا جۇمىستارىن جۇرگىزۋ ءۇشىن اۋىل شارۋاشىلىعى تاۋارىن وندىرۋشىلەردىن قاجەتتى ديزەل وتىنىنىڭ كولەمى 366,8 مىڭ توننا مولشەرىندە ايقىندالدى. اعىمداعى جىلدىڭ 10 -ماۋسىمداعى جاعداي بويىنشا 308,4 مىڭ تونناسى (%84) جونەلتىلدى.
سالانى حيميالاندىرۋدى دامىتۋ بويىنشا شارالار قابىلدانۋدا. اعىمداعى جىلى مينەرالدىق تىنايتقىشتار مەن گەربيتسيدتەردىن قۇنىن ارزانداتۋعا 26,6 ميلليارد تەڭگە باعىتتالدى.
ايرىقشا قاۋىپتى زيانكەس ورگانيزمدەرمەن كۇرەسۋدى جۇرگىزۋ ءۇشىن شامامەن 5,2 ميلليون گەكتار القاپتا حيميالىق وندەۋ جۇرگىزۋگە مۇمكىندىك بەرەتىن رەسپۋبليكالىق بيۋدجەتتەن 4,6 ميلليارد تەڭگە بولىنگەن بولاتىن.
