ەنەرگەتيكا مينيسترلىگى 4- مۇناي زاۋىتى قۇرىلىسىنا قاتىستى 6-7 ۇسىنىستى تالقىلاۋدا - ۇ. قارابالين

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ق ر ەنەرگەتيكا ءبىرىنشى ۆيتسە- ءمينيسترى ۇزاقباي قارابالين ءمالىم ەتتى.

 «بۇگىندە ءبىزدىڭ ميينسترلىكتە بۇل ماسەلەگە قاتىستى ءاربىر ايماقتان، كومپانيالار مەن باسقا ۇيىمداردان 6-7 ۇسىنىس بار. ولاردىڭ بارلىعى ءبىزدىڭ مينيسترلىك ىشىندەگى جۇمىس توبىنىڭ تالقىلاۋىندا. اربىرەۋىنىڭ ءتيىمدى، ءتيىمسىز تۇسى ساراپتالىنادى. سودان كەيىن ۇكىمەت قاراۋىنا شىعارىلادى»، دەدى ۇ. قارابالين.

سونىمەن قاتار ول ءتورتىنشى مۇناي زاۋىتىن سالۋى كەزىندە قانداي جايتتارعا باسىمدىق بەرىلەتىندىگىن دە ەگجەي- تەگجەيلى ءتۇسىندىرىپ ءوتتى.

 «بىرىنشىدەن، مۇناي وڭدەۋ زاۋىتى نەعۇرلىم تۇتىنۋشىلار تىعىز قونىستانعان جەردە بولعانى دۇرىس. سەبەبى، بەنزين نە بولماسا باسقا جانارمايدى تاسىمالداۋدىڭ ءوزى كولىك شىعىندارى ەسەبىنەن كوتەرىلىپ كەتەدى. ەكىنشىدەن، ول جەردە مۇناي قۇبىرلارىنىڭ بولعانى دۇرىس. ويتكەنى، مۇناي قۇبىر ارقىلى جەتكىزىلمەسە، تەمىر جولمەن تاسىمالداۋ قىمباتقا تۇسەدى»، دەدى ءبىرىنشى ۆيتسە- مينيستر.

سونىمەن قاتار ونىڭ ايتۋىنشا، مۇناي زاۋىتىنان شىعاتىن ءونىم ىشكى نارىقتى تولىق قامتاماسىز ەتەتىن بولادى. ال قالعان ءونىمدى ەكسپورتقا شىعارۋعا دا زاۋىت سالىناتىن جەر ىڭعايلى بولۋى ءتيىس.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى