ماڭعىستاۋدا قازاق ءتىلدى مەكتەپتەر مەن بالاباقشالار سانى 4-5 ەسە ءوستى- فوتو
«1991 -جىلى ماڭعىستاۋ وبلىسىندا 23 مىڭ 496 بالا تاربيەلەنەتىن 113 م د م، سونىڭ ىشىندە قازاق تىلىندە ءبىلىم بەرەتىن 35 بالالار باقشاسىنىڭ (7 مىڭ 277 بالا) ىرگەسى قالانعان. 2016 -جىلى م د م سانى 244 كە (32 مىڭ 606 بالا) دەيىن جەتسە، سولاردىڭ ىشىندە 190 ۇيىم - قازاق تىلىندە ءبىلىم بەرەدى» (22 مىڭ 530 بالا)، - دەدى ماڭعىستاۋ وبلىستىق مەكتەپكە دەيىنگى جانە جالپى ورتا ءبىلىم بەرۋ باسقارماسىنىڭ باسشىسى كلارا قۇلاتايەۆا.
جالپى ورتا ءبىلىم بەرۋگە بايلانىستى كلارا قاشقىنباي قىزى، 1991 -جىلى 40 مەكتەپتە ورىس تىلىندە ءبىلىم بەرىلسە، 30 ى قازاق تىلىندە بولعانىن تىلگە تيەك ەتتى. ەندى 5 مەكتەپ ورىس ءتىلدى جانە ارالاس 17 مەكتەپ قانا قالعان. «25 جىل بۇرىن جالپى ءبىلىم بەرەتىن 70 مەكتەپ، سونىڭ ىشىندە 30 ى - قازاق ءتىلدى بولدى. 2016 -جىلى وبلىستا 134 كۇندىز جالپى ءبىلىم بەرەتىن مەكتەپ، سونىڭ ىشىندە 112 - قازاق ءتىلدى، 5 ۋى - ورىس ءتىلدى جانە 17 ارالاس ءبىلىم بەرۋ وشاعى جۇمىس جاساۋدا»، - دەدى ك. قۇلاتايەۆا.
