قازاقستاندا تىركەلگەن زاڭدى تۇلعالاردىڭ سانى 4,4 پايىزعا ارتتى

سونىڭ ىشىندە 50 ادامنان كەم قىزمەتكەرلەرى بار زاڭدى تۇلعالار سانى 336 مىڭ 422 بىرلىك بولسا، جۇمىس ىستەپ تۇرعان زاڭدى تۇلعالاردىڭ سانى 197 مىڭ 829 نى قۇرادى. بۇل تۋرالى ۇلتتىق ەكونوميكا مينيسترلىگىنىڭ باسپا ءسوز قىزمەتىنەن حابارلاندى.

مينيسترلىك مالىمەتتەرىنە قاراعاندا، 2014-جىلعى قاڭتار-جەلتوقساندا كوتەرمە ساۋدا كولەمى 16 تريلليون 358,4 ميلليارد تەڭگەنى قۇراپ، 2013-جىلعى قاڭتار-جەلتوقسانمەن سالىستىرعاندا 7,7 پايىزعا ارتتى. سونىمەن قاتار، 2014-جىلعى قاڭتار-جەلتوقساندا تاماق ونىمدەرى مەن سۋسىنداردى ۇسىنۋ بويىنشا قىزمەتتەردىڭ كولەمى 256,8 ملرد. تەڭگەنى قۇراعان. سونداي- اق، 2014 -جىلعى قاڭتار- قاراشادا سىرتقى ساۋدا اينالىمى 110 ميلليارد 588,6 ميلليون ا ق ش دوللارىن قۇراپ، 2013-جىلعى كاڭتار-قاراشامەن سالىستىرعاندا 9,9 پايىزعا تومەندەدى. ونىڭ ىشىندە ەكسپورت - 73269 ميلليون ا ق ش دوللارىن (6,7 پايىزعا از)، يمپورت - 37319,6 ميلليون ا ق ش دوللارىن قۇرادى (15,6 پايىزعا از).

بۇدان بولەك، تۇتىنۋ باعاسىنىڭ يندەكسى 2014-جىلعى جەلتوقساندا 2013-جىلعى جەلتوقسانمەن سالىستىرعاندا 107,4 پايىزدى قۇرادى. ازىق-تۇلىك تاۋارلارىنا باعالار - 8 پايىز، ازىق-تۇلىك ەمەس تاۋارلارعا - 7,8 پايىز، حالىققا ارنالعان اقىلى قىزمەتتەرگە - 6,4 پايىزعا ءوستى. ونەركاسىپ ونىمدەرىنە ءوندىرۋشى كاسىپورىندار باعاسى 2014-جىلعى جەلتوقساندا 2013-جىلعى جەلتوقسانمەن سالىستىرعاندا - 1,6 پايىزعا تومەندەدى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى