استانانىڭ 4 اۋدانىنا 40 جىلى ايالداما سالىنادى

استانانىڭ بيىلعا ناقتىلانعان بيۋدجەت جوباسىن قوعامدىق كەڭەس مۇشەلەرىنە نۇر- سۇلتان قالاسىنىڭ ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى قايسار ماڭقارايەۆ تانىستىردى.

«كولىك جانە جول- كولىك ينفراقۇرىلىمىن دامىتۋ باسقارماسىنا تاۋەلسىزدىك كوپىرىنىڭ قۇرىلىسىنا، «وڭتۇستىك- شىعىس» شاعىن اۋدانى كوشەلەرىنىڭ قۇرىلىسىن جالعاستىرۋعا، «ينتەرناتسيونالنىي» تۇرعىن الابىنداعى مەكەمەلىك جەلىلەر مەن جولدارعا، №27-كوشەنىڭ بويىندا ەسىل وزەنى ارقىلى وتەتىن كوپىر سالۋعا، جولاۋشىلار تاسىمالى بويىنشا مىندەتتەمەلەردى سۋبسيديالاۋعا، 4 اۋدان ءۇشىن 40 جىلى ايالداما ساتىپ الۋعا بيۋدجەت اكىمشىلىگى باعدارلاماسى ارقىلى 10 ميلليارد 200 ميلليون تەڭگە ءبولۋ ۇسىنىلىپ وتىر»، - دەدى باسقارما باسشىسى.

ونىڭ مالىمەتى بويىنشا، ساۋلەت، قالا قۇرىلىسى جانە جەر قاتىناستارى باسقارماسى استانانىڭ گەواقپاراتتىق ورتالىعىن قۇرۋ ءۇشىن 50 ميلليون تەڭگە سۇراپ وتىر.

«قۇرىلىس باسقارماسىنا كوپپاتەرلى تۇرعىن ءۇي كەشەندەرىن ينجەنەرلىك- كوممۋنيكاتسيالىق ينفراقۇرىلىمدىق قۇرلىسىن، «نۇرلى جەر» مەملەكەتتىك باعدارلاماسى شەڭبەرىندە ۇلەسكەرلىك پروبلەمالىق وبەكتىلەردى اياقتاۋعا، پوليتسيا دەپارتامەنتىنىڭ جىلدام ارەكەت ەتەتىن ارنايى جاساق عيماراتىن رەكونسترۋكتسيالاۋعا جانە حالىقتىڭ الەۋمەتتىك توپتارى ءۇشىن پاتەرلەر ساتىپ الۋعا بيۋدجەت اكىمشىلىگى باعدارلاماسى ارقىلى 13 ميلليارد 445 ميلليون تەڭگە قاراستىرۋ ۇسىنىلىپ وتىر»، - دەدى قايسار ماڭقارايەۆ.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى