ءماسليحاتتار دەپۋتاتتىعىنا باسەكەلەستىك: ءبىر ورىنعا 4,3 كانديداتتان كەلەدى
بۇل تۋرالى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ ايتتى، دەپ حابارلايدى قازاقپارات ءتىلشىسى.
«وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ ءماسليحاتتارى دەپۋتاتتارىنىڭ 334 مانداتىنا پارتيالىق ءتىزىم بويىنشا ۇسىنۋ كەزەڭىندە ساياسي پارتيالار بەلسەندىلىگىنىڭ جەتكىلىكتى دارەجەدە جوعارى بولعانىنا نازار اۋدارامىن. مىسالى، جالپىۇلتتىق سوتسيال-دەموكراتيالىق پارتيادان باسقا 6 ساياسي پارتيا وڭىرلەردىڭ كوپشىلىگىندە ءماسليحاتتاردىڭ دەپۋتاتتارىن سايلاۋعا پارتيالىق تىزىمدەرىن ۇسىندى»، - دەدى نۇرلان ءابدىروۆ كوميسسيا وتىرىسىندا.
ونىڭ دەرەگىنشە، الداعى 19-ناۋرىزدا وتەتىن كەزەكتەن تىس سايلاۋدا وبلىستار، رەسپۋبليكالىق ماڭىزى بار قالالار جانە استانادا – 334، اۋدانداردا – 2130، قالالاردا 617 ادام ءماسليحاتتاردىڭ دەپۋتاتى بولىپ سايلانادى. مانداتتاردىڭ جالپى سانى - 3081
«كانديداتتاردى ءبىرمانداتتىق اۋماقتىق سايلاۋ وكۋرگتەرى بويىنشا ۇسىنۋ قورىتىندىلارىنا سايكەس، ورتاشا باسەكەلەستىك ءبىر ورىنعا 4,3 كانديداتتى قۇرايدى. بۇل كورسەتكىش ازاماتتاردىڭ جانە ازاماتتىق قوعامنىڭ جوعارى بەلسەندىلىگىن ايعاقتايدى»، - دەدى ورتالىق سايلاۋ كوميسسياسىنىڭ ءتوراعاسى.
