الماتى تاۋلارىندا وت جاققاندارعا 4,1 ميلليون تەڭگە ايىپپۇل سالىندى
الماتى تاۋلارىندا 57 بىرلەسكەن رەيد جۇرگىزىلدى. ونىڭ بارىسىندا 5 مىڭ دەمالۋشىعا جادىناما تاراتىلدى. سونىمەن قاتار ەرەكشە قورعالاتىن ايماقتاردا ءورت جاعۋدىڭ 100 فاكتىسىنىڭ جولى كەسىلدى.
ۆەدومستۆونىڭ مالىمەتىنشە، 43 تۇلعاعا ەسكەرتۋ تۇرىندە 5 حاتتاما تولتىرىلدى. ەكى ادام 505-بابىنىڭ 2-بولىگى بويىنشا 34500 تەڭگە ايىپپۇل ارقالادى، تاعى 11 ادامعا ق ر اكىمشىلىك قۇقىق بۇزۋ كودەكسىنىڭ 367-بابى بويىنشا جالپى سوماسى 4140000 ايىپپۇل سالىندى.
الماتى قالاسى توتەنشە جاعدايلار دەپارتامەنتى باستىعىنىڭ ورىنباسارى سامات اسايىنوۆ ەرەكشە قورعالاتىن تابيعي ايماقتاردىڭ اۋماقتارىندا جانە ارنايى بەلگىلەنبەگەن جەرلەردە ءورت تۇتاندىرعانى ءۇشىن ورمان شارۋاشىلىعى مەكەمەلەرىنىڭ قىزمەتكەرلەرى قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكستىڭ 367-بابىنا سايكەس اكىمشىلىك ايىپپۇل سالۋعا قۇقىلى ەكەنىن ەسكە سالدى.
جەكە تۇلعالارعا سالىناتىن ايىپپۇل مولشەرى 100 ا ە ك- قۇرايدى، وزگە دە اۋىر جاعدايلاردا قىلمىستىق جاۋاپكەرشىلىك قاراستىرىلعان.
ايتا كەتەيىك، ىلە الاتاۋى ۇلتتىق پاركىندە ىستىق تاماق دايىنداۋ ءۇشىن ارنايى جابدىقتالعان 14 ورىن، الما- اراسان شاتقالىنىڭ اۋماعىندا - 12 ورىن، «بۋتاكوۆكادا» - 2 ورىن بار.
