ناۋقاسقا تۇڭعىش رەت 3D پرينتەردە باسىلعان جاساندى قۇلاق سالىندى
بۇل تۋرالى tengrinews.kz جازدى.
امەريكالىق 3DBio Therapeutics بيوتەحنولوگيالىق كومپانياسىنىڭ دارىگەرلەرى ناۋقاستىڭ ءوز جاسۋشالارىنان 3D پرينتەردە باسىپ شىعارعان قۇلاقتى ترانسپلانتاتسيادى.
AuriNovo دەپ اتالاتىن بۇل ريەۆوليۋتسيالىق يمپلانتاتسيا پروتسەدۋراسىن ميكروتياعا ماماندانعان جەتەكشى پەدياتريالىق قۇلاق رەكونسترۋكتيۆتىك حيرۋرگى، مەديتسينا عىلىمدارىنىڭ دوكتورى ارتۋرو بونيللا باسقاراتىن توپ ورىندادى.
AuriNovo - ميكروتيامەن (ءبىر نەمەسە ەكى سىرتقى قۇلاعى جوق نەمەسە دامىماعان سيرەك تۋا بىتكەن دەفورماتسيا) تۋعان ادامداردىڭ سىرتقى قۇلاعىن حيرۋرگيالىق جولمەن قالپىنا كەلتىرۋ ءۇشىن 3D بيوپرينتينگ تەحنولوگياسى ارقىلى جاسالعان پاتسيەنتكە سايكەس كەلەتىن ءتىرى ۇلپا يمپلانتاتى.
حيرۋرگتار پاتسيەنتتىڭ قۇلاق ورنىنداعى شەمىرشەگىن الىپ تاستاپ، ونى ساۋ قۇلاق رەتىندە باسىپ شىعارۋ ءۇشىن 3D سكانەرلەۋىمەن بىرگە 3DBio Therapeutics كومپانياسىنا جىبەردى. وندا ءتىن ۇلگىسىنەن حوندروتسيتتەر (شەمىرشەك تۇزىلۋىنە جاۋاپتى جاسۋشالار) ءبولىنىپ، كوبەيتىلەدى. وسىلايشا يمپلانتتىڭ شەمىرشەك ءتىنى قالپىنا كەلتىرىلەدى.
«دۇنيە جۇزىندەگى مىڭداعان بالالاردى ميكروتيامەن ەمدەگەن دارىگەر رەتىندە مەن بۇل تەحنولوگيانىڭ ميكروتيامەن اۋىراتىن ناۋقاستار مەن ولاردىڭ وتباسىلارى ءۇشىن نەنى بىلدىرەتىنى شابىتتاندىرادى. AuriNovo ءبىر كۇنى قازىرگى حيرۋرگيالىق رەكونسترۋكتسيا ءادىسى ارقىلى جاسالاتىن جاساندى قۇلاقتىڭ ورنىن الماستىرادى دەپ ۇمىتتەنەمىن»، - دەدى دوكتور بونيللا.
ۋاقىت وتە كەلە يمپلانتاتسيالانعان قۇلاق تابيعي كورىنىسكە يە بولادى دەپ كۇتىلۋدە جانە وعان جۇيكە تامىرى وسكەن سايىن سەزىمتالدىققا يە بولادى.
AuriNovo ميكروتياسى بار ناۋقاستاردا سىرتقى قۇلاق رەكونسترۋكتسياسى ءۇشىن ءداستۇرلى تۇردە قولدانىلاتىن قابىرعا شەمىرشەك ترانسپلانتاتى مەن سينتەتيكالىق ماتەريالدارعا بالاما رەتىندە جاسالعان.
«ءبىز ميكروتيا كلينيكالىق سىناعى وسى يننوۆاتسيالىق ءونىمنىڭ قۇندىلىعى مەن ونىڭ ميكروتيا پاتسيەنتتەرىنە وڭ اسەر ەتۋى تۋرالى ناقتى دالەلدەر بەرىپ قانا قويمايدى، سونىمەن قاتار ءتىرى تىندىك يمپلانتتاردى ءوندىرۋ تەحنولوگياسىنىڭ الەۋەتىن كورسەتە الادى دەپ ەسەپتەيمىز»، - دەدى ديرەكتور جانە 3DBio نەگىزىن قالاۋشى دەنيەل كوەن.
بۇعان دەيىن ۇلى بريتانيا تۇرعىنىنا دارىگەرلەر العاش رەت 3D- پرينتەر كومەگىمەن جاسالعان كوزدى ترانسپلانتاتسيالاعان بولاتىن.
