ورمان ورتىنە بايلانىستى پاۆلودار وبلىسىنداعى 3 اۋىلدا توتەنشە جاعداي جاريالانادى

«پاۆلودار وبلىسى شارباقتى اۋدانىنىڭ الەكساندروۆكا اۋىلدىق وكرۋگى، گالكينو اۋىلدىق وكرۋگى جانە شالداي اۋىلدىق وكرۋگى اۋماقتارىندا جەرگىلىكتى اۋقىمداعى تابيعي سيپاتتاعى توتەنشە جاعداي جاريالانسىن. ونى جويۋعا باعىتتالعان ءىس- شارالاردى وتكىزۋ ءۇشىن ءوزىمدى باسشىسى ەتىپ تاعايىندايمىن. وسى شەشىم العاشقى رەسمي جاريالانعان كۇنىنەن باستاپ قولدانىسقا ەنگىزىلەدى جانە 15- شىلدەدەن باستاپ تۋىنداعان قۇقىقتىق قاتىناستارعا قولدانىلادى»، - دەلىنگەن اشىق ن ق ا پورتالىندا جاريالانعان شارباقتى اۋدانىنىڭ اكىمى ءازىلحان ابەۋوۆتىڭ شەشىمىندە.

ايتا كەتەيىك، 15- شىلدە كۇنى «ەرتىس ورمانى» رەزەرۆاتىندا ءورت شىقتى.

كەيىن وقيعا ورنىنا توتەنشە جاعدايلار ءمينيسترى سىرىم ءشارىپحانوۆ بارىپ، جاعدايدى ءوز باقىلاۋىنا الدى.

پاۆلودار اكىمدىگىنىڭ ماىمەتىنە ساي، قىزىل جالىن 850 گەكتار ورمان القابىن شارپىعان.

ال كەشە وبلىس اكىمى اسايىن بايحانوۆ «ەرتىس ورمانى» رەزەرۆاتىندا بولىپ جاتقان ءورتتىڭ قاشان تولىق ءسوندىرىلۋى مۇمكىن ەكەنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى