ەكى قازاقستاندىق بوكسشى 3 جىلعا سپورتتان شەتتەتىلدى
استانا. قازاقپارات - بوكستان قازاقستان قۇراماسى دوپينگ داۋىنا ءىلىندى، - دەپ حابارلايدى Sports.kz سايتى.
ۇلتتىق دوپينگكە قارسى ورتالىقتىڭ مالىمەتىنشە، 2022 -جىلعى ازيا چەمپيوناتىنىڭ قولا جۇلدەگەرى ناموتالي تولتايەۆ انابوليكالىق ستەرويد دەپ ەسەپتەلەتىن ورالتۋرينابولدى قولدانعان، سوندىقتان ول 2026 -جىلدىڭ 31-ناۋرىزىنا دەيىن سپورتتان شەتتەتىلگەن.
سونىمەن قاتار، تاعى ءبىر قازاقستاندىق بوكسشى سەرىك ابزالدىڭ اعزاسىنان مەتاستەرون تابىلدى. ول 2026 -جىلدىڭ 7-ساۋىرىنە دەيىن ديسكۆاليفيكاتسيالاندى.
ايتا كەتەيىك، بيىل 22 جاسقا دەيىنگىلەر اراسىندا بانگكوكتا وتكەن ازيا چەمپيوناتىندا سەرىك كۇمىس مەدال يەگەرى اتانعان ەدى.