امەريكاندىق كورپوراتسيا «ءاپپل» قۇنى 3 تريلليون دوللاردان استى
مۇنىڭ ءبارى سوڭعى 40 جىلدا Nasdaq-تا تىركەلگەن ءبىرىنشى جارتىجىلدىقتاعى ەڭ جاقسى ءوسىمنىڭ ارقاسىندا بولعان. Apple اكسيالارى جۇمادا % 2- دان اسا ءوسىپ، ءبىر اكسيا باعاسى رەكوردتىق دەڭگەيگە - 193,97 دوللارعا جەتتى. بۇل باعا اينالىمداعى 15,7 ميلليارد اكسياسى بار Apple- ءدى ءوزىنىڭ تاريحي نارىقتىق قۇنىنا جەتكىزىپ وتىر.
Apple كومپانياسىنىڭ قۇنى 2022 -جىلدىڭ 3 -قاڭتارىندا كۇندىزگى ساۋدا- ساتتىق كەزىندە وسىنداي كورسەتكىشكە جەتكەن. ءبىراق سودان كەيىن بۇل پوزيتسيانى ۇستاي الماعان ەدى. Apple (AAPL) اكسيالارى بيىل % 49- عا ءوستى. بۇل ءىرى تەحنولوگيالىق كومپانيالاردىڭ اكسيالارىنىڭ كەڭەيۋىنە، سونىڭ ىشىندە ينۆەستورلاردىڭ جاساندى ينتەللەكتكە قىزىعۋشىلىعىنا ىقپال ەتتى.
***
Apple Inc — دەربەس جانە پلانشەتتى كومپيۋتەرلەر، اۋديوپلەەرلەر، تەلەفوندار مەن باعدارلامالار ءوندىرۋشى امەريكاندىق كورپوراتسيا. دەربەس كومپيۋتەرلەر جاساۋ سالاسىندا پيونەر كومپانيا. باس شتاب پاتەرى — كاليفورنيا شتاتىنداعى كۋپەرتينو قالاسىندا ورنالاسقان.
1976 -جىلى 1 -ساۋىردە كاليفورنيانىڭ كۋپەرتينو قالاسىندا نەگىزى قالانعان، 1977 -جىلدىڭ 3 -قاڭتارىندا كورپوراتسيا رەتىندە تىركەلگەن.
كورپوراتسيانىڭ نەگىزىن ستيۆ دجوبس، ستيۆ ۆوزنياك جانە رونالد ۋەين سالعان. ۆوزنياكوۆ ءوزى قۇراستىرىپ شىققان كومپيۋتەر العاش رەت كوپشىلىككە Homebrew Computer Club-ىندا كورسەتىلگەن. بۇل Apple I دەربەس كومپيۋتەرى بولاتىن. بۇعان دەيىن 1974 -جىلى «التاير 8800» كومپيۋتەرلەرى شىققان ەدى، الايدا ولار جەكە كومپيۋتەر رەتىندە تەحنيكالىق جاعىنان بىلىكتىلىگى جوق بولعان. 1976-1977 -جىلدارى بىرنەشە فيرمالار العاشقى جەكە قولدانىستاعى كومپيۋتەرلەردى شىعارا باستاعان، 1977 -جىلدارى Commodore جانە Tandy Radio Shack كومپانيالارىنىڭ كومپتەرلەرى مىڭداپ ساتىلعان، دەگەنمەن دە 1970 -جىلداردىڭ اياعىندا 1980 -جىلداردىڭ باسىندا Apple II كومپيۋتەرلەرى الەم بويىنشا ميلليونداعان داناسىمەن تارالادى.
1980 -جىلدارى Apple تاريحىندا Apple 3 جوباسىنا شىعارىلۋىنا قاتىستى ءساتسىز بولادى. 1981 -جىلى ۆوزنياك جول اپاتىنا ۇشىراپ ۋاقىتشا جۇمىسىن ىسىرىپ قويادى. وسى كەزدەگى Apple 3- ءتىڭ ساتىلىمىنا قاتىستى شىققان قيىنشىلىقتار ءۇشىن دجوبسقا 40 قىزمەتكەرىن جۇمىستان بوساتۋعا تۋرا كەلەدى. باسپاسوزدەردە كومپانيانىڭ جاقىن ارادا جابىلۋى جايلى سوزدەر قوزعالادى. تىعىرىقتان شىعۋ ءۇشىن 1983 -جىلى دجوبس دجونا سكاللي كومپانيا پرەزيدەنتى قىزمەتىنە شاقىرادى. الايدا دجوبس پەن سكالليدىڭ قارىم- قاتىناستارى جاقسى بولمايدى.
1984 -جىلى Apple فيرماسى ءوزىنىڭ العاشقى جاعا 32-رازريادتى Macintosh كومپيۋتەرىن ۇسىنادى. ارى قاراي كومپانيا وسى كومپيۋتەردىڭ سەريالارىن شىعارۋمەن اينالىسادى. Macintosh كومپيۋتەرلەرى فيرمالىق وپەراتسيالىق جۇيەمەن جابدىقتالعان Motorola پروتسەسسورلارى نەگىزىندە شىعارىلعان. 1985 -جىلى ا ق ش- تىڭ پرەزيدەنتى رونالد رەيگان تەحنيكالىق ۇدەرىستىڭ دامۋىنا ۇلەس قوسقانى ءۇشىن دجوبس پەن ۆەزنياكتى مەدالدارمەن ماراپاتتايدى.
2001 -جىلى 23 -قازاندا Apple iPod اۋديوپلەيەرىن شىعارادى. ول ۇلكەن سۇرانىسقا يە بولىپ، پورتاتيۆتى مۋزىكالىق پلەيەرلەردىڭ نارىعىندا كوشباسشىعا اينالادى. 2009 -جىلعى قىركۇيەك ايىندا جۇرگىزىلگەن ساناق بويىنشا 220 ميلليوننان استام iPod ساتىلعان. 2007 -جىلدىڭ قاڭتار ايىندا فيرما سەنسورلى iPhone سمارتفوندارىن ۇسىنىپ، 2010 -جىلى نارىققا iPad پلانشەتتى كومپيۋتەرىن شىعارادى. وسى جاڭا ونىمدەردى شىعارۋ ارقاسىندا Apple ءوزىنىڭ قارجىلىق جاعدايىن ءبىرشاما جاقسارتىپ الىپ، 2011 -جىلى الەمدەگى نارىقتىق كاپيتاليزاتسيا بويىنشا، ExxonMobil مۇناي كومپانياسىن باسىپ وزىپ، ەڭ قىمبات كومپانياعا اينالعان.
