بانكروتتىق راسىمدەۋگە 3 مىڭنان استام الماتىلىقتان ارىز ءتۇستى
بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا الماتى قالاسى بويىنشا مەملەكەتتىك كىرىستەر دەپارتامەنتىنىڭ وكىلى ءمالىم ەتتى، دەپ حابارلايدى قازاقپارات ءتىلشىسى.
الماتى قالاسى بويىنشا مەملەكەتتىك كىرىستەر دەپارتامەنتىنىڭ قارىزدارمەن جۇمىس ىستەۋ ءبولىمىنىڭ باسشىسى ايدوس بۋدۋگۋلوۆتىڭ سوزىنشە، 24- ساۋىردەگى جاعداي بويىنشا 3662 ازاماتتان ءوتىنىش ءتۇستى.
«3662 ارىزدىڭ 3055 ءى قارالدى. ونىڭ ىشىندە 503 ازاماتقا قاتىستى سوتتان تىس بانكروتتىق ءراسىم جۇرگىزىلدى، بۇل تۇسكەن وتىنىشتەردىڭ %14 پايىزى. سونداي-اق ءوتىنىش بەرۋشىلەردىڭ 362 ءى اتاۋلى الەۋمەتتىك كومەك الادى»، - دەدى ايدوس بۋدۋگۋلوۆ.
ايتۋىنشا، 2552 ارىز سوتتان تىس بانكروتتىق بويىنشا ءوتىنىش بەرۋدەن باس تارتتى.
«سوتتان تىس تارتىپتە بانكروتتىق تۋرالى ءوتىنىش بەرگەندە بەلگىلى ءبىر تالاپتار قويىلادى. ازاماتتار بۇل ءتارتىپتى 1600 ا ە ك- تەن جوعارى (2023-جىلى - 5 ميلليون 520 مىڭ تەڭگە) جانە كرەديتورلار الدىنداعى بەرەشەكتەردىڭ بارلىق تۇرلەرى بويىنشا قولدانا الادى»، - دەپ ناقتىلادى بريفينگ سپيكەرى.
ايدوس بۋدۋگۋلوۆ ءوزىن بانكروت دەپ جاريالاعىسى كەلەتىن جەكە تۇلعالاردىڭ ءاربىر ءوتىنىشى 15 جۇمىس كۇنى ىشىندە قارالاتىنىن اتاپ ءوتتى.
«بانكروتتىق ءراسىمىنىڭ ءوزى 6 ايعا سوزىلادى، ونىڭ مەرزىمى وتكەننەن كەيىن بانكروت دەپ تانىلعان ازاماتتاردىڭ ءتىزىمى ۋاكىلەتتى ورگاننىڭ رەسمي سايتىندا جاريالانادى. سوتتان تىس بانكروتتىق تۋرالى ءوتىنىش بەرۋ ءۇشىن ازاماتتار «E-Salyq Azamat» قوسىمشاسى ارقىلى، سونداي-اق ازاماتتارعا ارنالعان ۇكىمەت پورتالىنا جۇگىنە الادى. سونىمەن قاتار، ح ق و ارقىلى قاعاز جۇزىندە ءوتىنىش بەرۋگە بولادى. ال سوتتىڭ بانكروتتىق راسىمىنەن ءوتۋى ءۇشىن تۇرعىلىقتى جەرى بويىنشا سوتقا جۇگىنۋ قاجەت»، - دەدى ول.
