تارازدا 3 جاسار بالا ءتورت ينە مەن سىدىرمانىڭ جۇگىرتپەسىن جۇتىپ قويعان

كىشكەنتاي پاتسيەنتتى باس دارىگەردىڭ ورىنباسارلارى سەيداحمەت شىنىبەكوۆ جانە ءماۋلىم كەنجالى ەمدەدى.

جامبىل وبلىستىق كوپبەيىندى بالالار اۋرۋحاناسىندا قولدانىلاتىن پروگرەسسيۆتى ەندوسكوپيالىق تەحنيكا دەنەدەن ارتىق زاتتاردى الىپ تاستاۋعا مۇمكىندىك بەرەدى.

سونىمەن، ءىش قۋىسىنىڭ شولۋ رەنتگەنوگرامماسى ارقىلى جۇگىرتپە مەن اسقازاننىڭ پروەكتسياسىنان ەكى تىگىن ينەسى تابىلدى.

ەفگدس ەمشاراسىن جۇرگىزۋ كەزىندە اسقازاننان ءبىر ينە الىنىپ تاستالدى، جۇگىرتپە بولمادى.

پاتسيەنت مامانداردىڭ باقىلاۋىمەن با حيرۋرگيالىق بولىمشەسىندە قالدى. ناتيجەسىندە جۇگىرتپە ناجىسپەن بىرگە شىقتى. ال ەكىنشى ينە شىقپادى.

«ءىش قۋىسىنىڭ باقىلاۋ R- گرامماسىندا ءىشتىڭ جوعارعى جاعىندا تاعى 2 ينە جانە جامباس پروەكسياسىندا 1 ينە تۇردى. قايتادان ەفگدس جاسالىپ، اسقازاننان ينە الىنىپ تاستالدى. سودان كەيىن كولونوسكوپيانىڭ كومەگىمەن سيگما ءتارىزدى ىشەككە قادالعان ينە الىنىپ تاستالادى»، - دەدى جوعارى ساناتتى حيرۋرگ-دارىگەر سەيداحمەت بايدۋللا ۇلى.

بالا باقىلاۋدا بولدى. ءىشتىڭ باقىلاۋ R- گرامماسىندا جامباس پروەكسياسىندا ءتورتىنشى ينە تابىلدى.

كولونوسكوپيا جاسالىپ، ۇشى ىشەكتىڭ شىرىشتى قابىعىنا قادالعان سيگما ءتارىزدى ىشەكتەن سوڭعى ينە الىنىپ تاستالدى. قازىرگى ۋاقىتتا بالا ۇيگە شىعارىلدى.

بۇل جاعداي بەلگىلى ءبىر قورىتىندى جاساۋعا مۇمكىندىك بەرەدى. بىرىنشىدەن، 8 كۇننىڭ ىشىندە اسقازان-ىشەك جولدارى ارقىلى ءتورت ينە كىرگەن.

ەكىنشىدەن، دارىگەرلەر ەندوسكوپيالىق جابدىقتى پايدالانا وتىرىپ، بىرەگەي وپەراتسيالار جاسادى جانە كوپ قان جوعالتۋ جانە ۇزاق قالپىنا كەلتىرگە تۋرا كەلەتىن حيرۋرگيالىق ەمدەۋگە جۇگىنبەستەن دەنەدەن قاۋىپتى زاتتاردى الىپ تاستادى.

«كەز كەلگەن اۋرۋدى ەمدەۋدىڭ ەڭ جاقسى ءادىسى - ونىڭ پروفيلاكتيكاسى. اتا-انالار بالانىڭ بوگدە زاتتى جۇتىپ قويۋىنا جول بەرمەۋى ءتيىس. شارمەن نەمەسە مونەتامەن ويناۋعا بولمايدى. ويىنشىقتار ۇساق بولشەكسىز جانە جاسىنا سايكەس بولۋى كەرەك»، - دەدى ءماۋلىم قازي ۇلى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى