اڭساعان ءسابي: 3 مىڭنان استام نارەستە دۇنيە ەسىگىن اشتى

«مەملەكەت باسشىسىنىڭ تاپسىرماسىنا سايكەس ەلىمىزدە «اڭساعان ءسابي» باعدارلاماسى ىسكە اسىپ جاتىر. باعدارلاما باستالعالى 7 مىڭ ايەل ەكو جۇيەمەن قامتىلدى، ال ناقتى بيىل 6,5 مىڭ ايەل. «اڭساعان ءسابي» ارقىلى كەزەگىن كۇتۋشىلەر بار. جوبانى ىسكە اسىرۋ بارىسىندا بيىل 2650 وتباسىندا 3110 ءسابي دۇنيە ەسىگىن اشتى»، - دەدى ق ر دەنساۋلىق ساقتاۋ ۆيتسە- ءمينيسترى ۆياچەسلاۆ دۋدنيك وكق- دە وتكەن بريفينگىدە.

سونداي- اق ۆيتسە- مينيستر ەل اۋماعىندا حالىقارالىق ستاندارتقا سايكەس كەلەتىن 11 پەريناتالدى ورتالىق سالىناتىنىن تىلگە تيەك ەتتى.

«ەل بولاشاعى وسكەلەڭ ۇرپاقتىڭ ساۋلىعىمەن بايلانىستى. بالالار جىلى اياسىندا ءبىزدىڭ مينيسترلىك ءبىرقاتار جوبانى قولعا الىپ، ىسكە اسىردى. جاس ۇرپاقتىڭ ساۋلىعىن قامتۋ باعىتىنداعى جۇمىستار جالعاسىن تابادى»، - دەيدى ول.

بۇعان دەيىن حابارلاعانىمىزداي، بيىل ەلىمىزدە 402 مىڭ ءسابي دۇنيەگە كەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى