استانادا وزبەكستان ەلشىلىگى عيماراتىن قيراتقان بۇزاقى 3 جىلعا سوتتالدى

«بيىل قاڭتاردا م. ماس كۇيىندە وزبەكستان رەسپۋبليكاسى ەلشىلىگىنىڭ عيماراتىنا كىرىپ، مۇلىكتەردى قيراتتى. سالدارىنان ەلشىلىككە ءىرى كولەمدە ماتەريالدىق شىعىن كەلدى. ايىپتىنىڭ كىناسى دالەلدەر مەن بەينەباقىلاۋ كامەراسى جازباسىمەن راستالدى»، - دەلىنگەن قالالىق سوتتىڭ حابارلاماسىندا.

ۆەدومستۆونىڭ اقپاراتىنشا، زاڭ بويىنشا ايىپتىعا 3 مىڭنان 7 مىڭعا دەيىن ا ە ك كولەمىندە ايىپپۇل سالۋ نەمەسە 3 جىلدان 7 جىلعا دەيىن باس بوستاندىعىنان ايىرۋ جازاسى قارالعان.

سونداي- اق، اتالعان ءىس بويىنشا جازانى جەڭىلدەتەتىن جاعداي جوق، كەرىسىنشە ماس كۇيىندە قىلمىس جاساۋ اۋىر ءمان- جاي دەپ تانىلدى.

«سوت ۇكىمىمەن م. ەسىمدى ازامات قىلمىستىق كودەكستىڭ 202-بابى 2-بولىگىنىڭ 5-تارماعى بويىنشا كىنالى دەپ تانىلىپ، 3 جىلعا باس بوستاندىعىنان ايرىلدى. سونداي- اق، ايىپتى وزبەكستان رەسپۋبليكاسى ەلشىلىگى عيماراتىنا كەلتىرگەن ماتەريالدىق زالالدى وتەدى. ودان بولەك، سوتتالۋشىعا جازاسىن وتەۋ ورنىندا ماسكۇنەمدىكتەن ماجبۇرلەپ ەمدەۋ شاراسى بەلگىلەندى»، - دەيدى استانا سوتىنان.

سوت ۇكىمى زاڭدى كۇشىنە ەندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى