قازاقستاندىق اۋە كومپانياسىنا 3 ميلليون تەڭگەدەن استام ايىپپۇل سالىندى
«2022-جىلعى 16- شىلدەدە «Air Astana» اۋە كومپانياسىنىڭ «الماتى - نۇر-سۇلتان» باعىتى بويىنشا ك س-853 رەيسى رەزەرۆتىك ۇشۋ ەكيپاجىن كۇتۋ سەبەبىنەن 27 ساعات 21 مينۋتقا كەشىكتىرىلگەنى انىقتالدى. رەيستىڭ كەشىگۋى كەزىندە جولاۋشىلارعا قولدانىستاعى زاڭنامادا قاراستىرىلعان قىزمەتتەر ۇسىنىلماعان. اتاپ ايتقاندا قوناقۇيدە تۇرۋ. وسى ورايدا رەيستىڭ كەشىگۋى كەزىندە جولاۋشىلاردىڭ قۇقىعىن بۇزعانى ءۇشىن بيىل 6- قىركۇيەكتە «Air Astana» اۋە كومپانياسىنا 1000 ا ە ك (3063000 تەڭگە) كولەمىندە ايىپپۇل سالىندى»، - دەلىنگەن حابارلامادا.
اقپاراتتا ايتىلعانداي، اتالعان اۋە كومپانياسى بيىل وسىمەن جەتىنشى رەت ايىپپۇل ارقالاپ وتىر.
«بيىل شىلدە ايىنان باستاپ «Air Astana» اۋە كومپانياسىنا (قۇرىلىمدىق بولىمشەسى «Fly Arystan» اۋەكومپانياسى) قاتىستى جالپى سوماسى 7000 ا ە ك (21441000 تەڭگە) كولەمىندە جەتى رەت ايىپپۇل سالىندى»، - دەپ حابارلايدى ۆەدومستۆودان.
ازاماتتىق اۆياتسيا كوميتەتىنىڭ مالىمەتىنشە، بيىل شىلدەدەن بەرى جالپى قازاقستاندىق اۋە كومپانيالارعا 000 ا ە ك (24504000 تەڭگە) كولەمىندە 8 رەت ايىپپۇل سالىنىپ، اكىمشىلىك جاۋاپقا تارتىلدى.
«ازاماتتىق اۆياتسيا كوميتەتى جۇرگىزىلىپ جاتقان جۇمىس بارىسىندا قازاقستان رەسپۋبليكاسىنىڭ قولدانىستاعى زاڭناماسىنىڭ جولاۋشىلار قۇقىعىن ساقتاۋ بولىگىندەگى تالاپتاردى ۇستانادى. تاسىمالداۋشىلار تاراپىنان قۇقىق بۇزۋشىلىق فاكتىلەرى قايتالاپ انىقتالعان جاعدايدا، ءتيىستى شارالار قابىلداناتىن بولادى»، - دەيدى كوميتەتتەن.
ەسكە سالساق، بيىل شىلدە دە Air Astana اۋەكومپانياسى رەيستى كەشىكتىرىپ، جولاۋشىلار قۇقىعىن بۇزعانى ءۇشىن 9 ميلليون تەڭگە ايىپپۇل تولەگەن ەدى.
