انتاركتيداداعى مۇزدىق الەم مۇحيتى دەڭگەيىن 3 مەترگە كوتەرۋى مۇمكىن
تۋەيتس مۇزدىعى - الەمدەگى ەڭ ۇلكەن مۇزدىق، ونىڭ ەنى - 128,7 شاقىرىم. عالامشار جىلىعان سايىن ونىڭ مۇزى ەرىپ جاتىر. عالىمدار بىرنەشە جىلدا تەز ەري باستاعان مۇزدىققا «اقىرزامان مۇزدىعى» دەگەن اتاۋ بەرگەن.
مۇزدىقتىڭ ەرۋىنەن مۇحيت تابانىندا قوزعالۋى كەزىندە تۇزىلگەن 160 پاراللەل جوتاسىن زەرتتەي كەلە عالىمدار ونىڭ جىلىنا 2,1 شاقىرىم جىلدامدىقپەن جىلجيتىنىن انىقتاعان. بۇل - 1996-2009 -جىلدارعى جىلدامدىعىنان ەكى، 2011-2017 -جىلدارداعىدان ءۇش ەسە جىلدام. زەرتتەۋ ناتيجەسى Nature Geoscience جۋرنالىندا جاريالاندى.
تۋەيتس مۇزدىعى الىپ مۇز كەسەگىنىڭ استىنان وتەتىن جىلى سۋدان ەرىپ جاتىر. عالىمدار ونىڭ سوڭعى تىرەگى 5 جىل ىشىندە تولىقتاي قيراۋى مۇمكىن ەكەنىن ەسكەرتەدى. مۇزدىقتىڭ جەرگە تيەتىن ايماعىنا جىلى سۋدىڭ ءوتىپ جاتقانى العاش رەت 2020 -جىلى بەلگىلى بولعان.
