ريم پاپاسىن كورۋ ءۇشىن قازاقستانعا الەمنىڭ ءتۇرلى ەلىنەن 3 مىڭ ادام كەلەدى
بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«ەلورداعا ريم پاپاسى فرانتسيس كەلەدى. ساپار اياسىندا پونتيفيكتىڭ مەملەكەت باسشىسىمەن كەزدەسۋ، قازاقستان جۇرتشىلىعى مەن ديپلوماتيالىق كورپۋس الدىندا ءسوز سويلەۋى، مەسساسى، سونىمەن قاتار الەمدىك جانە ءداستۇرلى دىندەر ليدەرلەرىنىڭ VII سەزىنە قاتىسۋ جوسپارلانۋدا. قازاقستانعا الەمنىڭ ءتۇرلى ەلدەرىنەن 3000 عا جۋىق قاجىلار كەلەدى دەپ كۇتىلۋدە»، - دەدى ايبەك سمادياروۆ.
ول كاتوليك شىركەۋىنىڭ باسشىسى قازاقستانعا ەكىنشى رەت كەلىپ وتىرعانىن اتاپ ءوتتى.
«ريم پاپاسى فرانتسيسكتىڭ ەلىمىزگە مەملەكەتتىك ساپارى ريم پاپاسى يوانن پاۆەل II قازاقستانعا 2001-جىلى كەلگەننەن كەيىن العاش رەت وتەدى. بۇل قاسيەتتى تاقتىڭ قازاقستاننىڭ الەمدىك ارەناداعى، جانە ءبىرىنشى كەزەكتە، بەيبىتشىلىك جولىنداعى ديالوگتى نىعايتۋ ىسىندەگى ماڭىزدى ءرولىن مويىنداعانىن ايعاقتايدى»، - دەدى ول.
