استانادا 3 مىڭعا جۋىق ازامات اسكەردەن جالتارىپ ءجۇر
بۇل تۋرالى نۇر-سۇلتان قالاسى قورعانىس ىستەرى جونىندەگى دەپارتامەنتى باستىعىنىڭ ورىنباسارى اقجارتاي ۋالياحمەتوۆ ءمالىم ەتتى، دەپ حابارلايدى قازاقپارات ءتىلشىسى.
«مەرزىمدى اسكەري مىندەتىن ورىنداۋدان جالتاراتىن ازاماتتار بولادى. ءبىز پوليتسيا باسقارمالارىنا ولاردىڭ ءتىزىمىن جولدايمىز. كەيىن زاڭنامادا كورسەتىلگەن تارتىپتەرگە سايكەس، ازاماتتاردى ىزدەستىرۋ جۇمىستارى جۇرگىزىلەدى. اسكەري بورىشىن وتەۋگە مىندەتتىلەر ەسەبىندە تۇرعاندار كوبىنە نۇر-سۇلتان قالاسىنا ۋاقىتشا كەلىپ، باسقا مەكەنجايلار بويىنشا تىركەلەدى. وسىعان بايلانىستى ولاردى تابۋ قيىنعا سوعادى. قازىرگى تاڭدا ەلوردا بويىنشا مەرزىمدى اسكەري مىندەتتەن جالتارعان 3 مىڭعا جۋىق ازامات ىزدەستىرىلىپ جاتىر»، - دەدى اقجارتاي ۋالياحمەتوۆ.
ەسكە سالايىق، بيىل اسكەر قاتارىنا 18 مىڭنان استام جاستى شاقىرۋ جوسپارلانىپ وتىر. ونىڭ ىشىندە قارۋلى كۇشتەرگە 8 مىڭ، باسقا دا اسكەري قۇرىلىمدارعا 10 مىڭنان استام ازاماتتى مەرزىمدى قىزمەتكە شاقىرۋ قاراستىرىلعان.
